Want nae dien ja(n)ne wijlen van berthe(m) in zijnd(er)/ leven(der) tijt geleydt zijnde nae des(er) stadt recht voir/ zijn wettich gebrec uuyt cracht van scepen(en) brieven/ van loeven(e) van sesse pet(er)s erffelijck van twee/ jae(re)n v(er)schenen tot allen den goeden beide have en(de)/ erve wout(er)s van cuyct geheeten van hooghstrate(n)/ soe wair die gelegen zijn ende jouffr(ouwe) m(ar)gae(re)ten/ van bergen wed(uw)[e] des voirs(creven) wijlen jans huer/ met brieven van des(er) stadt gescreven aend(en) meye(r)/ van bossuyt oft zijne(n) stadthoude(r) alle de selve/ goede behoirlijck heeft doen leve(re)n ende den/ selven woute(re)n sijne(n) wijne(n) en(de) pachtene(re)n dach van/ rechte te comp(ar)e(re)n alh(ier) inde banck voe(r) meye(r) ende/ scepen(en) van loeven(e) doen besceyden oft zij hen d(aer)tegen/ hadd(en) wille(n) oppone(re)n Ald(aer) zij op heden als ten dage/ van rechte d(aer)toe dienen(de) niet gecomp(ar)eert en zijn/ noch niema(n)t van hue(re)n wegen en(de) henr(ic) borrema(n)s/ als p(ro)cur(eur) der voirs(creven) wed(uw)[en] comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(e)/ t(er) maniss(en) smeyers nae dat hen behoirlijc gebleken/ heeft bij rappoirte gielis eveloege des(er) stad bode/ tvoirs(creven) exploit gesciet te zijne gewesen hebben/ voir een vo(n)nisse wair de wed(er)p(ar)tie vand(en) voirs(creven)/ geleidd(en) niet en comp(ar)eert voe(r) den op staen(en) smeyers/ ende der scepen(en) datmen den selven geleidden vand(en)/ voirs(creven) goeden houden soude inde macht van hue(re)n/ beleide scepen(en) brieven ende leveri(n)gen alsoe v(er)re/ alst noch voir scepen(en) comen is in scampno januarii/ xi