It(em) merten van arsschot woenen(de) te kieseke(m) heeft geloeft/ meest(ere)n gheerde van baussele ten huyse van zijnd(er)/ moeder inde coestrate te leve(re)n tussche(n) dit en(de) xiiii/ nachte(n) nae s(in)t jansdach naestc(omende) alsulke(n) appoir/ oft leene van goeden eycken(en) herden houte zond(er) fon/ als d(aer)aff hem een gelijcke gethoent es ten huyse/ des rintmeest(er)s van loeven(e) in zijne(n) cruythoff ald(aer)/ wel en(de) loffelijck gewracht Ende dat alsulck/ gelev(er)t hebben(de) en(de) gestelt opde(n) cruythoff der zelv(er)/ zijnd(er) moeder alo(m)me den selve(n) hove va(n) alsulken/ steecte alst es in srintmeest(er)s cruythoff groetten/ / ende gelegentheit als nae de plaetsse van zijns/ moeders cruythove behoirt Ende dat gedaen zijnde/ tussche(n) dit en(de) den voirs(creven) t(er)mijn zullen zij in wed(er)sijde(n)/ nemen twee ty(m)merliede oft hout brekers hen des/ verstaende die tselve nae hue(r) beste taxe(re)n zullen/ ende prijse(n) ende wes zij bevi(n)den d(aer)aen verdient te/ wesen d(aer)aff zal meest(er) gheert merten(en) betale(n) behalve(n)/ dat hem d(aer)aen gecort zal wordde(n) eene(n) rinsg(ulden) eens/ dien m(er)ten d(aer)aff myn hebben zal ende oft merten/ zijne(n) t(er)mijn liet ov(er)gaen soe sal hij d(aer)aen v(er)bue(re)n/ twee rinsg(ulden) die meest(er) gheert [hem] myn d(aer)aff noch gheve(n)/ zal cor(am) roesme(re) burg(imagis)[tro] pi(n)nock scab(ino) borch(oven) oirbeke/(con)s(iliariis) junii vii