Item een yegelijcx der gebruede(re)n gedeelte es gescat inder deylingen boven alle lasten weerdt zijnde/ los ende vrij xxviii r(ins) g(ulden) erff(elijck) mair want/ nae d(er)hant faulten zijn gevonden in so(m)mighe(n)/ gedeelten soe hebben de gebruede(re)n die faulten/ ond(er)linge in p(rese)ntien van hue(re)n mo(m)boirs geyffent
//
en(de) alsoe blijft elcx gedeelte nu getaxeert werdt/ zijnde los ende vry boven alle co(m)mer xxvi r(ins) g(ulden)/ erffelijc en(de) d(aer)omtr(ent) It(em) es conditie dat eenyegelijc/ sijn gedeelte sal houden voir sijne(n) prijs alsoet/ getaxeert is mair oft men bynnen oft buyten/ jairs oft in e(n)nigen toecomen(de) tijde(n) bevo(n)den w(er)d(en)/ e(n)nige erffel(ijcke) goede cleyn oft groot het zij leene(n)/ eyge(n) goed(en) tsijsgoeden land(en) beempd(en) bosschen wij(n)g(ar)d(en)/ huys(en) erfchijs(en) rinte(n) oft e(n)nige and(er) goed(en) den drie/ gebruede(re)n toebehoe(re)nde vand(en) yerste(n) bedde van wat/ natue(re)n en(de) te wat plaets(en) dat zij gelegen zijn/ bynne(n) oft buyten lants soe eest ond(er)sproken datme(n)/ den voirs(creven) gebruede(re)n altijt dat te gelijcke ende/ broed(er)lijc deylen sal en(de) dat elc d(aer)af te gelijcke/ sijn p(ar)t trecken sal It(em) es oic conditie oftmen/ bevonde in toecomen(de) tijd(en) dat e(n)nich vand(en) gebruede(re)n/ gedeelte meer wae(re) belast met e(n)nigen erffelijcken/ lasten chijs(en) (et)c(etera) dan men nu weet Ende d(aer) bij/ sijn gedeelte alsoe vele crancker wae(re) dat de drie/ p(ar)tien voirs(creven) dat te gelijcke selen hulpen dragen/ en(de) oprichten It(em) oec eest conditie aengesien d(at)/ de gedeelten belast zijn soe va(n) pontpe(n)ningen te/ betalen(e) soe eens soe and(er)s soe es ond(er)sproken dat/ de mo(m)boirs heffen en(de) bue(re)n sulle(n) in een gemeyn/ borse alle rinten chijsen pachten en(de) v(er)vallen die/ verschenen zijn totten daige vand(er) deylingen toe/ excluys ende die tot henw(er)ts nemen(de) d(aer)mede bet(aelen)/ de lasten en(de) sculden behoud(elijck) dat zij van alle(n) hue(re)n/ ontfanck en(de) uuytgeven dat zij zed(er)t daflivich(eit)/ jasp(er)s van overwynge gehaven en(de) uuytgegeven hebben/ selen doen bynnen jairs den kinde(re)n behoirl(ijcke) en(de) wettige/ rekeni(n)ge mair eenyegelijc der kinde(re)n sal trecken/ zijn deel vand(en) houte dat v(er)cocht is It(em) noch es/ co(n)ditie dat ee(n)yegelijc vanden kinde(re)n t(er) stont nae dat/ de deylinge en(de) lotinge gesciet is sal moegen ae(n)v(er)den/ sijn gedeelte en(de) sijne(n) orber dair mede doen nae sijn/ beliefte ende soe wat vand(en) daighe der deyli(n)gen
//
incluys beghi(n)nende vallen(de) en(de) v(er)schijnen(de) es voirtaene/ e(n)nig(en) vand(en) kinde(re)n voirs(creven) vand(en) p(ar)ceele(n) en(de) goeden/ sijns gedeelte dat sal hij vrij sonder wed(er) seggen van/ yema(n)de t(er) stont moegen ontfaen ende boeren mer/ des sal hij oick de chijs(en) pachten en(de) lasten der selv(er)/ goed(en) zijns gedeelte die v(er)schijnen en(de) vallen sellen/ vand(en) daige der deylingen voirs(creven) incluys also voirtane/ selve moten dragen en(de) betalen des salmen uuter/ gemeynd(er) borsen betalen de cnaephue(re)n werclied(en) en(de)/ alle ande(re) sculden te voe(re)n gemaict It(em) tes oick/ oick conditie dat de mo(m)boirs alsoe v(er)re als yema(n)ts/ leen niet v(er)heven en is oft e(n)nige pontpe(n)ni(n)ghen/ te bet(alen) sijn bij toecomen van e(n)nigen goeden dat/ zij die lasten uuyter gemeynd(er) borsen selen betalen/ en(de) eene(n) yegelijck(en) los ende vry setten uuyter gemey(n)d(er)/ borsen in zijn gedeelte en(de) in zijn goeden It(em) es/ noch conditie dat soe wien voir sijn gedeelte valle(n)/ sal tgedeelte tgoet van wynge dat die behouwe(n)/ sal de twee p(er)den met hue(re)n toebehoirten ploegen/ eechden ende ande(re) dies gelijcx It(em) es noch co(n)ditie/ dat de p(ro)fijte(n) vanden vissche(n) die nu selen gevischt/ wordden ende de weyhue(re) s(in)[te] m(er)tensmisse gevallen/ sijnde die salmen inde gemeyne borsse bringhen/ Item is geco(n)ditioneert en(de) ov(er)gegeven bij gemeynen/ ov(er)drage ende consente der mo(m)boirs ende der drie/ gebruede(re)n datmen de derde paye vanden v(er)cochten/ eycken te wynge sal den mo(m)boirs laten boeren en(de)/ ontfangen en(de) dat zij sculdich sullen zijn d(aer)mede/ af te leggen en(de) te quijten t(er)stont als zij de pe(n)ni(n)g(en)/ ontfangen hebben een crone erffelijck aen ja(n)ne hallema(n)/ dair zij vanden gebroede(re)n wegen borghe(n) voir sijn/ behalven schiett(er) yet over vand(en) pe(n)ni(n)gen nae der quiti(n)g(en)/ datme(n) dat den gebruede(re)n wed(er)kee(re)n en(de) deylen sal/ gelijck en(de) broed(er)lijck It(em) es noch conditie dat alsulken/ lijfpen(sien) van x r(ins) g(ulden) tsjairs als h(er) jan vand(er) beeke/ oom der voirs(creven) gebruede(re)n jairlijcx heffen(de) es tsijnen/ live op joeskens goede dat eenyegelijck vand(en) drie
//
gebroede(re)n jairlijcx sijn derdendeel vanden voirs(creven)/ lijfpen(sien) sal dragen ende uuyt sijne(n) gedeelte sijne(n)/ oem jairlijcx sijn derdendeel betalen te weten(e) drie/ rinsgulden(en) vii st(uvers) ii pl(a)c(ken) want de mo(m)boirs dies/ hen afslaen It(em) ten selven tijde hebben de mo(m)boirs/ den gebruede(re)n te kynnen gegeven dat noch buyten/ der deylingen sijn noch e(n)nige questie(n) int gemeyn/ te beslichten bij hen lieden te weten(e) van alsulken / pe(n)ni(n)gen die jasp(er) gehaven heeft in sijne(n) wewel(er)/ stoele van henr(ick) scuypers huyse op ten hoeck vand(er)/ coestraten alsoe men vinden sal opter stadt huys/ inden pontpe(n)ninck boeck en(de) noch van twee r(ins)g(ulden)/ erffelijck die hij vercocht heeft vand(er) pitten/ goede vand(er) moed(er) wegen It(em) noch vand(er) schue(re)n/ vercocht en(de) meer dingen v(er)cocht buyten der mo(m)boirs/ consent oft bijsijn cor(am) eisd(em)