Eene deylinge gemaict zijnde tusschen henr(ick) beghints/ sone wijlen henricx in deen zijde he(re)n janne thiele(n)s/ prieste(r) sone wijlen jans thiele(n)s dien hij hadde/ van m(ar)grieten wijlen beghints sijnd(er) huysvr(ouwe) sust(er)/ als zij leefde des voirs(creven) henr(icx) t(er) ande(re) katlijnen/ beghints sust(er) der selver gebruede(re)n ter derder/ g(er)trud(en) beghints oec sust(er) der selver gebruede(re)n/ en(de) sust(er) t(er) vierd(er) zwanen beghints oec sust(er) der/ selver gebruede(re)n ende zuste(re)n t(er) vijfst(er) ende bruede(re)n/ janne collart brueder familier des godsh(uys) van/ tsh(er)togendale inden name ende van wegen/ sust(er) a(n)nen beghints sust(er) der selv(er) gebruede(re)n en(de)/ zuste(re)n gep(ro)fessijt inden selven godshuyse t(er) vierder vi[ter]/ zijd(en) Op en(de) vanden erfrinten en(de) erfpachten/ h(ier)nae bescreven hen bleve(n) en(de) v(er)storven bijd(er)/ doot ende aflivich(eit) pet(er)s wijlen beghints brueder/ als hij leefde der voirs(creven) gebruede(re)n en(de) suste(re)n/ beghints de welke opten xii[te(n)] dach van april/ a(n)no xcvii voir paesschen aengedeilt wa(r)en/ willem(me) van assche als lieuten(ant) smeyers van loven(e)/ d(air)over staende van heerheyd(en) inden name en(de)/ tot behoef desselfs pet(er)s [beghints] doen buyten lants/ wesende soe p(ar)tijen doen mey(n)den ende soe hij zund(er)t/ t(er) kennessen comen es omtr(int) thien ja(r)en d(air)te/ voe(re)n aflivich gewordden zijnde Te weten(e) yerst/ vand(en) hellicht van zesse pet(er)s erffelijc op seke(re)/ goede ende ond(er)pande wijle(n) daneels vander/ rivie(re)n nu laur(eys) arts gelegen te thielt It(em)/ vand(en) xxxvi st(uvers) erffel(ijc) uten thien croenen erff(elijc)/ staende opde stadt van loeven(e) It(em) vanden/ twintich stuv(er)s erff(elijc) op huys en(de) hoff metten toebeh(oirten)/ jans wijlen dillen pelsmakers gelegen inde/ borchstrate ende van eene(n) halst(er) corens erff(elijc)/ op seke(re) goede der kynde(re)n van opthielt gelege(n)/ te thielt te deylen
//
Soe zijn bleven ende gevallen den voirs(creven)/ henr(icke) beghints in zijn deilinge ierst xv st(uvers)/ erff(elijc) uut en(de) vander voirs(creven) hellicht der voirs(creven) zesse/ pet(er)s erffel(ijc) It(em) noch vier stuv(er)s erffelijc uuyt/ en(de) vanden voirs(creven) xxxvi stuv(er)s erff(elijc) vanden/ thien crone(n) erffel(ijc) opde stadt van loeven(e) hanc/ quoq(ue) et sat(is) p(ro)ut cor(am) zedele(re) hubr(echts) m(ar)cii t(er)cia