Want h(er) gielis van cortbeke geh(eten) de mu(n)te(re) prieste(r)/ als p(ro)cur(eur) giel(is) zijns vaders geleit zijnde nae des(er)/ stadt recht voir zijn wettich gebreck uuyt crachte/ van scepen(en) brieven van loeven(en) tot allen den goeden/ beyde have ende erve baudewijns wijle(n) smale van/ bronsb(er)ghe als hij leefde hee(re)van roux miroir en(de)/ van bonlez ende giel(is) en(de) baudewijns wijle(n) smale/ gebrue(dere)n sone(n) des voirs(creven) baud(ewijns) ende engelbeert/ herdincx soe wair die gelegen zijn hem met br(ieven)/ van des(er) stadt gescreven aend(en) meye(r) van graven/ oft zijne(n) stadthoude(r) Alle de selve goede behoirl(ijc)/ heeft doen leve(re)n ende janne van heusdain ende/ sijn wy(n)nen en(de) den voirs(creven) engelb(er)de herdincx dach/ van rechte te co(m)pare(re)n alh(ier) inde banck voe(r) meye(r)/ en(de) scepen(en) van loeven(en) doen besceyden oft zij hen d(air)teg(en)/ hadden willen oppone(re)n Aldair zij op heden als/ ten daige van rechte d(air)toe dienen(de) niet gecomp(ar)eert/ zijn noch nyema(n)t van hue(re)n wegen den voirs(creven)/ geleydden comp(ar)e(re)nde en(de) trecht voirts v(er)sueken(de)/ Soe v(er)re dat scepen(en) van loeven(en) t(er) manissen/ smeyers nae dat hen behoirlijc gebleken heeft/ bij cleernissen jans van hove des(er) stadt bode/ tvoirs(creven) exploit gesciet te zijne gewesen hebben/ met vo(n)nisse wair de wed(er)p(ar)tie vand(en) voirs(creven)/ geleydden niet en compareert voe(r) den opstaen(e)/ smeyers ende der scepen(en) datmen den selven/ geleydden vand(en) voirs(creven) goeden houden soude inde/ macht van zijne(n) beleide scep(enen) br(ieven) en(de) leveri(n)g(en) alsoe v(er)re alst voir/ scepen(en) comen is in scampno julii xi