Want meest(er) bertelmeeus boeyen als procur(eur) des godshuys/ vand(en) banck geleidt zijnde nae des(er) stadt recht voe(r) zijn/ wettich gebreck uuyt crachte van scepen(en) brieve(n) van loeven(en)/ tot allen den goede(n) beide have ende erve johanne(n) wile(n) eypels/ weduwe jans wile(n) fierens ende henricx wile(n) fierens huers soens/ soe wair die geleg(en) zijn hem met brieven van des(er) stadt gescr(even)/ aenden meye(r) van hev(er)le oft zijne(n) stadhoude(r) alle de selve goede/ behoirlijck heeft doen leve(re)n en(de) der docht(er) des voirs(creven) wijle(n) henr(icx)/ ende henricke vande(n) poele oudervader vande(n) selve(n) meyssen(en)/ dach van rechte alhier te compare(re)n inde banck voe(r) meye(r) ende/ scepen(en) van loeven(en) doen besceide(n) oft zij hen d(aer)tegen hadde(n) wille(n) oppone(re)n/ Aldair zij op heden niet gecomp(ar)eert en zijn noch nyemant/ van hue(re)n wegen den voirs(creven) geleidde(n) compare(re)nde en(de) trecht voirt/ versueken(de) Soe verre dat de scepen(en) van loeven(en) t(er) manissen/ smeyers naedat hen behoirl(ijck) hadde gebleke(n) bij rapporte/ jans driedoens des(er) stadt bode tvoirs(creven) exploit behoirl(ijck) gesciet/ in zijne vo(n)nislijck gewijst hebben wair de wed(er)p(ar)tie vanden/ voirs(creven) geleidde(n) niet en compareert voe(r) den opstaen(e) smeyers/ ende der scepen(en) datmen den selven geleidden vanden voirs(creven)/ goeden houden soude inde macht van zijne(n) beleide scepen(en)/ brieve(n) ende leveri(n)gen alzoe verre alst noch voe(r) scepen(en) come(n)/ es in scampno julii penult(ima)