Item claes de sluyte(re) sone wijle(n) jans die hij hadde/ van joha(n)nen wijle(n) van herle sijnd(er) huysvr(ouwen) renu(n)c(ians)/ en(de) met (con)sente bijsijne en(de) overstaene jans van/ buetsele als borg(er)meest(er) der stadt van loeven(en) bij/ gebreke van mage(n) en(de) vrinden desselfs claes/ heeft geloeft janne vand(er) biest die opten vi[te(n)]/ dach van augusto a(n)no xcii borge bleven is voe(r)/ der voirs(creven) wijlen joha(n)nen van herle aen marie(n)/ mag(er)mans huysvr(ouwe) arnoldi vacat en(de) aen marie(n)/ mag(er)ma(n)s dochter der voirs(creven) marie(n) die zij behoud(en)/ hadde van ja(n)ne wijle(n) mag(er)ma(n)s hue(re)n voirman/ voe(r) twee cronen lijftochten dat hij den selven/ janne vand(er) biest en(de) sijn goed(en) en(de) nac(omelinge) vand(er)/ selv(er) borchtocht allessins costeloes en(de) scadeloes houden
//
ende ontheffen sal Ende t(er) meerder sekerheyt/ vand(er) selver scadeloes(e) ontheffingen heeft de / selve claes den selven janne vand(er) biest in/ handen gesedt en(de) bij orlove she(re)n vand(en) gronde/ in title van wettigen onderpande de erfrinten nae/ bescreven Te weten(e) yerst alsulken xv st(uvers) erffelijck/ als hij heeft ende heffen(de) es opde goede vand(en) cruysbruede(re)n/ te loeven(en) gelegen bynnen loeven(en) ende noch zijn hellicht/ van ix molevate(n) corens erffelijc die hij en(de) jan lubbosch/ jairlicx heffen(de) zijn op seke(re) goede gelegen te vertrijcke/ toebehoe(re)nde eene(n) geheeten de keyse(re) en(de) den custe(r) van/ veertrijcke te dien ynde oft inde selve scadeloese/ ontheffinge gebreck viele dat de voirs(creven) jan vand(er)/ biest hem d(air)aen sal moegen v(er)reycken en(de) d(air) mede/ ontheffen vand(en) voirs(creven) borchtocht en(de) van allen costen/ lasten die hij uuyt saken van dier soude moegen/ lijden in e(n)niger manie(re)n cor(am) zedele(re) rosme(re) septe(m)br(is)/ qui(n)ta