Want jan vand(en) heetvelde als geleydt nae des(er) stadt/ recht voir zijn wettich gebreck uuyt crachte/ van scepen(en) brieven van loeven(en) tot allen den/ goeden beyde have ende erve henricx wijle(n) vand(er)/ hoeven jans wijle(n) hoelma(n)s henricxsone en(de) vrancx/ wijle(n) hoelma(n)s brued(er)s des voirs(creven) henricx soe wair/ die gelegen zijn hem met br(ieven) van des(er) stadt/ gescreven aenden drossete van keerbergen oft/ zijne(n) stadhoude(r) alle de selve goede behoirl(ijck)/ heeft doen leve(re)n ende pete(re)n vand(er) hoeve(n) sone/ des voirs(creven) wijlen henricx ende derfgename(n) der/ voirs(creven) jans en(de) vrancx hoelma(n)s dach van rechte/ te comp(ar)e(re)n alh(ier) inde banck voir meye(r) en(de)/ scepen(en) van loeven(en) doen besceyd(en) oft zij hen/ d(air) tegen hadden willen oppone(re)n Ald(air) zij op/ heden als ten daige van rechte d(air)toe dienen(de)/ niet gecomp(ar)eert en zijn noch niemant van/ hue(re)n wegen den voirs(creven) geleydden comp(ar)e(re)nde/ ende trecht voirts v(er)sueken(de) soe v(er)re/ dat de scepen(en) van loeven(en) t(er) manissen smeyers/ nae dat hen behoirlijck gebleken heeft bij rapporte/ baudewijns bellens des(er) stadt bode tvoirs(creven) exployt/ gesciet te zijne gewesen hebbe(n) vo(n)nislijc wair de/ wed(er)p(ar)tie vand(en) voirs(creven) geleidden niet en comp(ar)eert voe(r)/ den opstaen(e) smeyers en(de) der scepen(en) datmen den selven/ geleidde(n) vand(en) voirs(creven) goeden houden soude inde macht van/ sijne(n) beleyde scep(enen) br(ieven) en(de) leveri(n)gen alsoe v(er)re alst noch voir/ scep(enen) comen is in scampno sept(embris) vi[ta]