Want meest(er) gheert van baussele als geleydt nae/ des(er) stadt recht voir zijn wettich gebreck uuyt crachte/ van scepen(en) brieven van loeven(en) tot allen den goeden beide/ have en(de) erve jans van thienen ende zijnd(er) huysvr(ouwe)/ soe wair die gelegen zijn hem met br(ieven) van des(er) stadt/ gescreven aenden meye(r) van halen oft zijne(n) stadhoudere/ alle de selve goede behoirlijc heeft doen leve(re)n/ en(de) den voirs(creven) gehuysschen ende hue(r) huerlinghen/ dach van rechte te comp(ar)e(re)nd alh(ier) inde banck voir/ meye(r) ende scepen(en) van loeven(en) doen besceyden / oft zij hen d(air) tegen hadde(n) willen oppone(re)n aldair/ zij op heden als ten daige van rechte d(air) toe/ dienen(de) niet gecomp(ar)eert en zijn noch p(ro)cur(eur) van/ hue(re)n wegen Ende henr(ick) van ravescote als/ p(ro)cur(eur) des voirs(creven) geleidden comp(ar)e(re)nde en(de) trecht/ voirts v(er)sueken(de) soe v(er)re dat de scepen(en) van/ loeven(en) t(er) maniss(en) smeyers nae dat hen behoirlijc/ gebleken heeft bij rapporte jans smeets des(er)/ stad bode tvoirs(creven) exploit gesciet te zijne gewesen/ hebben met vo(n)nisse wair de wed(er)p(ar)tie vand(en)/ voirs(creven) geleidden niet en comp(ar)eert voe(r) den opstaen(e)/ smeyers ende der scepen(en) datmen den selven/ geleidden vand(en) voirs(creven) goeden houden soude inde/ macht van zijne(n) beleide scepen(en) br(ieven) en(de) leveri(n)gen/ alsoe v(er)re alst noch voir scepen(en) comen is in sca(m)pno/ octobr(is) xxii