Vander questien gecomen inde banck voe(r) meye(r)/ en(de) scepen(en) van loeven(e) tusschen janne zedele(re)/ vorste(r) aenlegge(r) tegen ja(n)ne roelofs verweerde(r)/ aldair de voirs(creven) jan te ki(n)nen heeft geg(even) dat de/ voirs(creven) jan roelofs te hemwerts gehoude(n) was/ in iiii(½) r(ins) g(ulden) te xx stuv(er)s tstuck die hij hem/ gelooft hadde te betalen(e) comen(de) spruyten(de) van/ seke(re)n thering(en) en(de) vroentcosten tot zijne(n) huyse
//
gedaen bij e(n)nigen die de voirs(creven) jan roelofs he(m) hadde/ doen houden en(de) dat hij he(m) die selve iiii(½) r(ins) g(ulden)/ geloefde te betalen(e) Dat wilde jan zedele(re) bewijs(en)/ den rechte genoech zijnde heeft ontkynt de/ voirs(creven) gelufte geschiet te zijne seggen(de) oick/ dat de voirs(creven) jan zedele(re) zijne(n) man hadde late(n)/ gaen meynen(de) zijn int(er)est in die(n) op he(m) te v(er)halen/ ende aensocht hem dat hij zijne(n) gevangen(e) te/ wetene d [vacat] d(air)uuyt dese costen/ spruyten wed(er)om in hachte(n) neme(n) woude hoopen(de)/ alzoe want de voirs(creven) jan zedele(re) de voirs(creven) gelufte/ bij he(m) geschiet te zijne dat niet en soude conne(n) gethoene(n)/ dat hij d(er) aensprake ongehouden soude zijn de/ voirs(creven) jan de contrarie sustine(re)nde hoepte tselve/ te thoene(n) ende was bereet den voirs(creven) p(er)sone aen/ te tasten(e) zoe v(er)re hij he(m) vanden costen gedaen/ contenteerde en(de) oick voe(r) de toecomen(de) coste(n) woude/ inne stane Als dat scepen(en) inder saken gemae(n)t/ hebben gewesen den voirs(creven) ja(n)ne zedele(re) tot zijne(n)/ thoen Ende nae dien ten daighe d(air)toe dienen(de) hij/ zijn v(er)met genoech gethoent heeft en(de) p(ar)tie(n) hue(r)/ sake sluyten(de) genoech ten effecte ende ynde/ voirs(creven) es gewesen bijden selve(n) scepen(en) ter/ maniss(en) smeyers dat jan roelofs sculdich/ sal zijn de so(m)me van iiii(½) r(ins) g(ulden) te betalen(e)/ ja(n)ne zedele(re) nae dat de waerheyt gedragen/ heeft in scampno ap(ri)lis iiii[ta]