It(em) de voirs(creven) gelufte(n) aengaen(de) eensyegelijcx/ acht(er)stelle bove(n) geruert sijn gesciet op sulken/ vuege ende co(n)ditie soe verre de voirs(creven) machiel/ bewijse(n) conste met quitan(cie) oft ande(re)n docume(n)ten/ genoech zijnde datme(n) den voirs(creven) p(er)soenen oft/ e(n)nige(n) van hen soe vele acht(er)stels niet sculd(ich) en wae(re)/ van soe vele jae(re)n als in elke(r)s gelufte beg(r)[e]pen/ ende gespecificeert staen datde selve machiel van/ tgene des hij alsoe soude co(n)nen gedoce(re)n genoech/ zijnde o(n)gehoude(n) soude zijn der voirs(creven) gelufte(n) bij/ hem gedae(ne) niet wed(er)staen(de) oft soe v(er)re hij gheen/ docume(n)ten d(air)aff gedoen en conste datde voirs(creven) p(er)soene(n)/ en(de) elc va(n) hen hen cle(re)n zulle(n) bij eede datme(n) hen soe/ vele ach(er)stelle(n) sculd(ich) es als voe(r) cor(am) eisd(em)