Op hede(n) de(n) xxvii[e(n)] dach der mae(n)t van / april int jaer ons heere(n) duijsent vijfhond(er)t / drije ende tzeve(n)tich voe(r) mij openbaer notaris / ende getuijge(n) onderges(creven) daertoe geroepe(n) en(de) / gebede(n) es geweest in sijn(en) p(ro)pre(n) p(er)soone de / eersame zeer wijse en(de) voersienige heere m(eeste)r
//
melchior huijs p(res)b(ite)re en(de) lice(n)tiaet ind(en) godtheijt / en(de) heeft in ald(er) bester forme(n) en(de) maniere(n) dat / hij conste(n) en(de) mochte onwederoepel(ijck) geconstituee(r)t / machtich gemackt en(de) in sijn stede gestelt co(n)stituee(r)t / en(de) maeckt machtich en(de) stelt in sijn(en) stede mits / dese(n) voe(r) zijne getrouwe p(ro)cur(eur)s en(de) speciale facteurs / der saecke(n) naebes(creven) deersame p(er) ma(n)ne(n) meestere(n) / cornelis cloet en(de) jacop scuijpers absent ende / p(rese)nt en(de) . elcke(n) van hun besundere omme inde(n) / naeme van hem heere constitua(n)t en(de) van sijn(en) twege(n) / te co(m)pareren(e) en(de) henliede(n) te [re]p(re)sentere(ne) zoe voe(r) / heere en(de) weth der heerl(ijc)heijt en(de) p(ro)chie van / jans geest bij gheldenake(n) voe(r) stadthoudere ende / ma(n)ne(n) van leene mijnd(er) vrouwe(n) van ghete als / voe(r) alle and(ere) heere(n) hove(n) bancke(n) en(de) gerichte(n) / daert behoeve(n) en(de) van noode wese(n) sal ende / aldaer jonckvrouwe(n) barbara scuijpers achte(r)gelate(n) / wed(uw)e van wijle(n) m(eeste)r jeronim(us) van meere in zijn(en) / tijt secretaris ordinaris der co(nincklijcke) ma(jesteij)[t] in sijn(en) / groote(n) raede tot mechele(n) voe(r) [haer] huere wettige / erffgen(amen) en(de) naecomelinge(n) wettelijcke nae der / bancke(n) recht en(de) ond(er) alle sole(m)pniteijte(n) daer / toe diene(nde) te goedene te vestige(n) en(de) te erffve(ne) / inde rechte helft van zekere hoeve oft / pachtgoet hem toebehoere(nde) ond(er) de voers(creven) / heerl(ijc)h(eij)t oft p(ro)chie van jans geest bij geldenake(n) / gelege(n) mette(n) boegaerde(n) daer ondere begrepe(n) / groot int geheel o(n)trent zessentzestich boendere(n) / der juijste(n)r mate(n) o(n)begrepe(n) v waer van de / and(ere) [wede(r)]hellicht es toebehoere(nde) merte(n) van meere / der voers(creven) barbelens zone wettel(ijck) gewo(n)ne(n) en(de) / achtergelaete(n) bijde(n) voers(creven) wijle(n) m(eeste)r jeronimus
//
en(de) dit al mits der so(m)me(n) van twee duijse(n)t / een hondert en(de) vierenveertich rinsg(ulden) eens tot / xx st(uijvers) brab(an)ts de(n) rinsg(ulden) gereke(n)t oft voer / hond(er)t drije en(de) dertich gelijcke rinsg(ulden) / erffel(ijck) losbaer de(n) penn(inck) zesthie(ne) daer voere / bijde voers(creven) jouff(rouw)e barbele opde voers(creven) geheele / hoeve mette(n) toebehoerte(n) wettel(ijck) te beke(n)ne(n) te / besette(ne) en(de) te ijpothekerene inne te gaene en(de) cours / te neme(ne) van sinte andries dage aff naestcome(nde) / en(de) voe(r) dierste jaer van betalinge te vallen(e) / en(de) te verschijne(n) de(n) leste(n) dach nove(m)bris daer / naest volgen(de) alsme(n) scrijve(n) zal xv[c] vier ende / tzeve(n)tich en(de) alsoe voertaen(e) van jaere te jaere / totter lossinge(n) toe die . sal moege(n) geschiede(n) in / goede(n) ganckbaere(n) en(de) gevalueerde(n) ghelde altijt / ter beliefte(n) van(den) voers(creven) jouff(rouw)e barbele in vijffve / reijse(n) telcker reijse(n) ee(n) vijffde deel van(den) voers(creven) / heelft tot behoeff van(den) selve jouff(rouw)e barbele / en(de) huere voers(creven) erffgen(amen) en(de) naecomelinge(n) met / behoerlijcke verthijeniss(e) te renu(n)tieren(e) den / halm te schietene waerscha te geloven(e) ende / allessints anders te doene desser naer der / bancke(n) recht daer de zelve goede(n) in deele / oft geheele ondere gelege(n) en(de) resortere(nde) sijn / meer toebehoere(nde) zal gedae(n) te wordde(ne) geloven(de) / de voers(creven) heere constitua(n)t in hande(n) mijns ope(n)baers / notaris onderges(creven) tselve wettel(ijck) stipulere(nde) en(de) / ontfange(nde) tot eensijegel(ijcx) behoeff diet aengaet / oft aengae(n) mach nu oft in toecome(nde) tijde(n) bij
//
zijnder trouwe(n) ende eere ende opt verbandt van / alle sijn(en) goede(n) beijde have en(de) . erffve present / en(de) toecome(nde) altijt te houdene voe(r) goet vast / gestentich ende van weerde(n) alle tghene des / bij sijne voergenoe(m)pde p(ro)cur(eur)s oft bijde(n) eenen / van hen int besondere in tgene des voers(creven) is / gedae(n) gebesoingneert ende voertsgekeert sal / wordde(n) renu(n)cieren(de) tot die(n) lijve ende v(er)thijen(isse) / van alle exceptie(n) van rechte(n) soe gheestelijcke / als weerlijcke lantrechte(n) p(ri)velegie(n) usantie(n) / en(de) coustuijme(n) hem heere constitua(n)t in (con)trarie(n) / ende tot infractie van dese(n) eenichsints dienende / ende besundere de(n) rechte dat seeght dat egheen(en) / generale renu(n)tiatie van weerde(n) e(n) is te(n) sij dat / de speciale voergaet op alle welcke dinghe(n) / bove(n) gescreve(n) begheerde hem de voers(creven) heere / constitua(n)t bij mij openbaer notaris ondergescreve(n) / gemaeckt en(de) gegeve(n) te wordden(e) ee(n) oft meer openbaer / instrume(n)t oft instrume(n)te(n) dit geschiede en(de) was gedae(n) / binne(n) der stede van mechele(n) te(n) woonhuijse van(den) / voers(creven) jouff(rouw)e barbele gestae(n) inde adegemstraete / het hoochhuis geheete(n) in ee(n) neercamer aldaer / ten jaere maende jaere en(de) daege voers(creven) daermede / bij en(de) overe waere(n) deersame en(de) voersiennige s(eigneu)r / franchois boels en(de) jan moons innegeseten(en) poirtere(n) / der voers(creven) stede als getuijge(n) weerde(n) van geloove / daer overe geroepe(n) en(de) zunderlinge gebede(n) aldus / ondergescreve(n) mij oijck daer bij en(de) overe geroepe(n) / wesen(de) als openbaer notaris geadmitteert kaerle / ende onderteeckent boogaert not(ari)s s(crip)s(i)t /