Item in tegenwoordich(eijt) der scepen(en) van love(n)/ naebes(chreven), gestae(n) niclaes en(de) josijne de witte/ kindere(n) wijlen franchois woonen(de) tot brussele(n)/ p(er) mo(nitionem) hebben opgedraeghe(n) met behoorl(ijcke) v(er)thijden(isse)/ een erffrente van sesse carol(us)gul(den)s te xx s(tuyvers)/ stuck mette(n) v(er)loope(n) de sel(ve) daeraff ombetaelt/ staen(de) opde h(ee)[re(n)] staete(n) des landts ende/ hertochdoms van brabant int quartier van/ love(n), soo en(de) gel(ijck) de voors(chreven) rente op dat voors(chreven)/ opdraegere(n) is v(er)storve(n) en(de) gedevolueert door/ doot en(de) afflijvich(eijt) van(den) voors(chreven) wijlen franchois/ henne(n) vaeder als erffgen(aem) jo(nk)[er] anthonis de/ witte sone jo(nke)[r] jans zaliger Expo(sitis) impo(situs)/ est h(ee)[r] richardt van pulle ridder ende/ tegenwoordich overborgem(eeste)r des(er) voors(chreven) stadt/ love(n), Et sat(is) de voors(chreven) opdraege(ren) obligan(do)/ submitten(do) ac renun(tiando) in forma et war(as) voor/ eene goede onbelaste oft ongealieneerde/ rente prout waertoe en(de) tot meerder/ v(er)suecken der voors(chreven) transportante(n) co(n)sentere(n)/ en(de) accordere(n) midts dese(n) den voors(chreven) heer/ cooper bij soo verre die sel(ve) rente aen/ iemande(n) anders naemaels bevonde(n) waer(e)/ belast te wese(n) zijs gebreck te moghe(n) v(er)haele(n)/ aen allen en(de) iegewel(cke) goede(n) soo leengoede(n)/ als ande(re) hen respective toebehooren(de) gelege(n)/ onder de(n) dorpe van lubbeecke Constitueren(de)/ tot gene voors(chreven) en(de) om tsel(ve) te moghe(n) doen/ voor hoff en(de) h(ee)[re] daer des van noode wese(n)/ sal ph(i)l(ip)s everaerts en(de) merck everaerts/ zijn(en) broeder en(de) elcken van hun besunder prout/(et)c(etera) coram liebrechts, riviere(n) januarii/ xxi[a] 1604