Item in tegenwoordich(eijt) der schepen(en) van loven naebes(chreven)/ gestaen jan van montenaecken weduwer wijlen/ cath(elij)[ne] gellens als vader en(de) momboir van anneken/ van montenaeken zijn(e) dochter bij hen behouden van(de)/ voors(chreven) [wijlen] cath(elij)[ne] en(de) jacop ruelens weduwer wijlen/ anna gellens suster der voors(chreven) wijlen cath(elij)[ne] gellens/ als zij leeffde oock vader en(de) momboir van zijne/ sesse kindren bij hem behouden van(de) selve wijlen anna/ gellens, voor haere tocht als tuteurs en(de)/ momboirs van haere voors(chreven) kinderen als oock uuijt/ zeke(re) speciale co(m)issie en(de) authorisatie den sel(ven)/ montenaecken en(de) ruelens gegeven bij de weesm(eeste)ren/ des(er) stadt opden xiii[e] dach decemb(ris) 1603 lestled(en)/ al naeder blijcken(de) bijde sel(ve) acte van authorisatie/ in date voors(chreven) ond(erteken)[t] l.van assche alhier/ gesien en(de) gebleken, de sel(ve) inde qua(liteij)[t] als uuyt/ crachte voors(chreven) voor de proprieteijt bij man manisse/ hebben opgedraeghen met behoorl(ijcke) v(er)thijden(isse) een/ huijs metten hove en(de) alle ande(re) zijn(en) toebehoorten/ genoempt het christoffelken gestaen alhier door/ s(in)[te] michiels poorte inde hoelstraete tegen over/ de swaren? tusschen thuijs en(de) erffve vrancx
//
de haen have innewerts in deene, die goeden/ gooris van(der) veken ter ii[e] en(de) iii[e] en(de) de hoolstraete/ voor ter iiii[e] zijde, ende die voors(chreven) opdraegeren/ bij ordine van rechte daeruuijt ontgoet zijn(de)/ soe is daerinne gegoet en(de) geerft marie/ molemans wed(uw)[e] sijmoens de waersegger/ et sat(is) de voors(chreven) opdraege(ren) inde qua(liteij)[t] voors(chreven)/ et war(ans) tvoors(chreven) huijs metter zijn(e) toebehoorten/ op acht schellin(gen) drije capp(uijnen) een derdepaert/ van een(en) cappuijn aen mijn h(ee)[r] van brecht op/ twee peeters erffel(ijck) tot xviii s(tuijvers) stuck aen/ derffgen(aemen) daneels van assche, op xxii s(tuijvers)/ twee pl(e)c(ken) aen(de) wed(uw)[e] mildegreve, op acht/ stuijvers aen tcleijn bagijnhoff bij sinte geertruijden, op gel(ijcken) acht stuijvers erffel(ijck)/ aen(de) xii apostelen op drije rinsg(u)l(dens) erffel(ijck)/ aen tgoidshuijs van vrouwenperck, op twee/ rinsg(u)l(dens) x s(tuijvers) tsj(ae)[rs] aen derffgen(aemen) jacops de/ kerridde(r), en(de) noch op xxiiii s(tuijvers) tsj(ae)[rs] erffel(ijck) soo/ verre men bevindt desel(ve) daeruijt te gaene/ ende soo verre men soo reserveren dopdraege(ren)/ die inde qua(liteij)[t] voors(chreven) de te hen werder? tanqua(m)/ prout coram duffele borcht martii ix[a] 1604 ix