Item in tegenwoirdicheijt des meijers en(de)/ schepenen van loven(e) gestaen s(ieu)r lambert/ de vers archier van haere hoocheden
//
ende jo(uffrouw)[e] cathelijne willemarts/ gehuijsschen, hebben opgedraegen met behoirl(ijcke)/ verthijdenisse alsulcken actie paert ende/ gedeelte, als hun transportanten toeco(m)mende/ is in eene erffel(ijcke) rente van vier/ mudden corens met allen den achterstel/ van dijen op zeckere goeden van jan reijs/ gelegen onder bierbeke oft daer omtrent,/ Item alsucken paert ende actie als hen/ transportanten competeert in zeckere goeden/ gelegen onder nederdutsele, te weten een/ half boender bempts geheeten het deijlbemdeken/ regenooten peeter de haen ter eenre, den/ aultaer van onser liever vrouwen ter/ ii[re] ende d'erffgenaemen wijlen jans/ de haene ter iii[re] sijden, de welcke/ plegen te houden hendrick lambrechts/ Item lx roeden lants gelegen opt schou-/ bosch velt, regenooten de kinderen jan le(m)mens/ ter eenre, hendrick van landen ter ii[re],/ ende servaes kemps ter iii[re], Item opt/ zelve velt drije vierendeel lants, regenooten/ jan de haen ter eenre, eweij de haen ter/ ii[re], ende jan vanden bossche ter/ andere, met allen de vruchten ende/ emolumenten van de zelve goeden verschenen/ ende alnoch ombetaelt, mede de helft/ van sesse molevaten rogs erffel(ijck) met/ allen den achterstel der selver beset op/ zeckere goeden gelegen te neervelpe,/ daer aff den pandt eertijts gehouden heeft/ joos rijsmans sijnde een boogardeken/ Expos(ito) impos(itus) heer ende m(eeste)r jan/ stormius doctoir inde medecijnen/ zoe voer hem zelven als jo(uffrouw)[e] franchoijse/ van thienen sijne huijssvrouwe, ende/ heer ende m(eeste)r raphael lijntermans/ licentiaet inden rechten zoe voer hem
//
selven als jo(uffrouw)[e] elizabeth willemarts/ zijne huijsvrouwe per monitione(m) et satis/ de voirs(chreven)e opdrageren indivisim et waras/ daer op dat de voirs(chreven)e respective goeden/ ende renten bij hen nijet en sijn gealieneert/ noch belast, Mits welcke voirschreve/ opdrachte mette betaelinge van hondert/ rinsguldens eens die de voirs(chreven)e heer/ ende m(eeste)r raphael lintermans alhier/ p(rese)nt bekent van lambert de vers ontfangen/ te hebben, mette geloefte van alnoch twintich/ guldens te betaelen in januario 1605/ naestcommende doot, gecasseert ende te/ nijete sal sijn, zecker contract ende overcomen/ tusschen partijen voirs(chreven) aengegaen ende gemaeckt/ voer m(eeste)r nicolaes rombouts oepenbaer/ notaris ende zeckere getuijgen op den xxi[en]/ januarii a(nn)o 1600 alleen nopende t'gene/ aengaet de geloefte bij den voirs(chreven) de vers/ gedaen van de jairl(ijcxe) messe, blijvende/ dandere poincten in hun geheel ende vigeur,/ Ende de vernijeuwinge vanden selven/ contracte geschiet voer schepenen der/ stadt van loeven opden 28[e(n)] junii 1600,/ Voirts soe geloven de voirs(chreven)e heeren ende/ m(eeste)rs jan stormius ende raphael/ lintermans den voirn(oemde) lambrecht de vers/ zijne hoiren ende naecommelingen eeuwelijck/ te indemneren, costeloos ende schadeloos/ t'ontheffen van het celebreren vande/ hellicht vande messe inde cappelle van/ onser liever vrouwe daer buijten, daer/ aff dander helft staet ten laste der voirs(chreven)e/ heere stormius ende lijntermans,/ Gelovende dezelve voertaen de geheele/ messe te doen celebreren ende betaelen,/ sulcx dat den voirn(oemde) de vers, noch/ zijne naeco(m)melingen daer doer nijet/ beschadicht noch gemolesteert en sullen/ wordden, behoudel(ijck) dat den achterstel
//
vande helft der voirs(chreven)e messe verschenen/ tot xviii augusti 1604 lestleden, bij den/ voirs(chreven) de vers vol betaelt sal wordden,/ met verstande dat de renten staende/ tot subsidie vande messe, zullen blijven/ tot behoeff der zelver messe, ende den/ voirn(oemde) heer stormium ende lijntermans/ toebehoiren zullen, als te weten de sesse/ rinsguldens acht stuijvers erffelijck die/ schuldich is gielis van dorne beset op sijnen/ die heer prelaat van s(in)[te] geertruijden/ bijnnen loven, twee guld(ens) erffel(ijck) die/ schuldich is gielis van dorne, beset op/ zijnen huijse genaempt de warande/ twee guldens erffelijck beset opt huijs van(den)/ heere van ottignies staende alhier inde/ hoelstraete, Gelovende partijen in/ wedersijden allen dese conditien ende/ poincten loffelijck t'onderhouden ende t'achtervolgen/ onder obligatie submissie ende/ renuntiatie in forma ende naementlijck/ deser universiteijt, dienste van princen,/ oirloge (et)c(etera) Coram vorst rivieren/ septembris iii[a] 1604

dese twintich/ guld(ens) sijn betaelt/ zoe bij s(ieu)r lambert/ de vers als sijn(en)/ pachter actum/ 27 maii 1606/ ond(er)t(eeckent) raph(ael)/ lijntermans