Item peeter de keijser zone wijlen jans/ woonende tot nethen oudt omtrent lx/ jaeren, heeft ten versuecke peeter nijs/ vercleert ende geattesteert, vercleert/ ende attesteert mits desen op zijne/ mans waerheijt met presentatie van/ eede in rechte des noot zijnde dat hij/ geleden omtrent xxxvi jaren bijnnen/ den dorpe van nethen(e), ten huijse van/ gielis van den berge naer sijn beste/ onthoude bij, aen ende present es geweest/ daer peeter de ruijsscher zone/ wijlen peeters, woonende tot hagesrode/ te commer heeft gehaelt vijff rinsguld(ens)/ erffel(ijck) aen jan crabbe zone wijlen loijcx,/ woonende int hoff van gruenendael/ tot vaelbeke om mette capitael penn(ingen)/ der selver rente te redimeren ende/ affleggen sijnen commer die hij geldende/ was uuijt sijnen gelege tot haesrode/ op de hagestraete, coram beringen/ rivieren decembris xiii[a] 1604