Item in tegenwoirdicheijt des meijers/ ende schepenen van loven(e), gestaen m(eeste)r/ nicolaes rombouts, die welcke naer/ vermogen van zeckere procuratie speciale/ ende irrevocable hem gegeven bij de/ vrouwe abdisse ende convente/ van shertogendale, in date den xxxen/ septembris a(nn)o 1604 onder den zegelen/ zoe vande voirs(chreven) vrouwe abdisse/ als convents, ende aggreatie vande/ overste ende vicaris general, alhier/ gesien ende gebleken, heeft opgedragen/ met behoirl(ijcke) verthijdenisse twee/ parceelen zoe lant als bempt gelegen/ tot nethen int cleijn veldeken/ d'eene van vijftich roeden ende/ dandere van seventich roeden ombegrepen/ der maete, regenooten in alle sijden/ het goet van savenial, Expos(ito)/ soe es daer inne gegoet ende geerft/ ten erffelijcken rechte m(eeste)r adolph du/ preten, inden name ende tot behoeff van/ heer jan baptista vanden berghe,/ raedt ende ierste m(eeste)r ordinaris/ vander rekencamere haerder hoochede(n)/ in brabant, bij maenisse des meijers/ ende wijsdomme der schepenen van
//
loven(e), Et satis de voirschreve/ opdragere, uuijt crachte der voirs(chrev)e/ procuratie, obligerende ende submitteren(de)/ de goeden des voirs(chreven) convents, Et/ waras opden chijns des heeren van den/ gronde zoe verre men bevint eenigen/ daer uuijt te gaene desmen nijet en weet,/ ende dat voer de quantiteijt van veertich/ rijnsguldens eens, wesende den juijsten/ prijs van desen coope, Gelovende/ de voirs(chrev)e opdragere uuijt crachte/ als boven, zoe vele te doene, dat den/ voirs(chreven) heere vanden berghe, zijne/ erven ende naeco(m)melingen in toeco(m)menden/ tijden sal moge(n) genoch sijn, behoudel(ijck)/ het recht des heeren vanden gronde,/ Coram beringen liebrechts novembris/ xxix 1604