Item in tegenwoirdicheijt der schepen(en)/ van loven(e), gestaen jan de/ haze zone wijlen m(eeste)r jans, hem in/ desen sterckmaeckende voer zijne/ kinderen, heeft ten erffchijnse/ uuijtgegeven, voer hem, zijne erven/ ende naecommelingen jacop van der/ straeten ende geertruijdt de fraije/ zijne huijsvrouwe, die bekenden/ voer hen henlieden erven ende/ naecommelingen ten erffchijns aenveert/ te hebben, zecker huijs met zijne/ toebehoirten, gestaen alhier tot loven/ in de hoelstraete, regenooten de/ voirs(chreven) jan de haze boven ter eenre/ ende m(eeste)r jan bachusius ter/ andere sijden, co(m)mende achter uuijt/ in de muntstraete vercregen/ voer schepenen van loven(e) op den/[vacat] van peeter/ ende robeert wagemans, erffel(ijck)/ te houden ende besitten, op de commeren/ ende lasten daer uuijtgaende/ / ende voirtsmeer op vijfthien rinsguld(ens)/ erffel(ijck) tot xx st(uijvers) tstuck loopende munte/ jairlijcx vallende te kerssemisse, daer/ d'ierste jaer verschijnen sal te/ kerssemisse sestien hondert vijff, los/ ende vrij van xe xxe ce et(cetera)/ te leveren, erffel(ijck) in toecommende/ tijden, et satis de voirs(chreven) erffgever/ obligerende, submitteren(de) ende/ renuntieren(de) in forma, et waras/ op negentien stuijvers ende eenen/ halven aen d'erffgenaemen peeter/ wagemans, sessentwintich stuijvers/ een blanck aen bernaert gheerens/ ende barbara cluppels, ende/ twee rijnsguldens xiii stuijvers een/ pleck aen anthonis van der maelen/ prout Gelovende de voirs(chrev)e/ erffnemeren indivisim de selve rente/ van vijfthien rijnsguldens erffel(ijck)/ jairlijcx wel ende loffel(ijck) te betaelen(e)/ met conditie van deselve rente/ van vijftien rinsguldens te mogen/ lossen t'eendere reijsen oft tweeder/ reijsen, maer nijet min, elcken/ penninck daeraff met sestien/ gelijcke penningen ende met volle/ rente, Item es ondersproecken/ dat de erffgever sal de verloopen/ der gewarandeerde renten betaelen/ tot kerssemisse naestcommende/ incluijs, Voirts heeft [hebben] geloeft de/ voirs(chreven) jacques jacop ende sijne/ huijsvrouwe dat sij promptelijck/ zullen betaelen hondert rinsguldens/ ende te kerssemisse naestco(m)mende/ / vijftich rinsguldens eens, t'elcker/ reijse als schult met rechte verwonnen/ obligerende, submitteren(de) ende/ renuntieren(de) in forma, op conditie/ dat die erfgevere den hoven op dese/ erve voer een deel staende, sal mogen/ affbreken, ende op sijne erve stellen/ ende draetrecht van de vinsteren/ der erffnemeren tot aen de straete/ ten gelijcken coste den vrede t'onderhouden,/ tzij met eenen tuijn oft anderssints/ ende t'privaet tusschen der beijde/ erve, sal sijn ende blijven beijde der/ erve gemeijn, ende tot gelijcke/ costen gesuijvert ende geruijmpt/ wordden, coram duffle borcht,/ npvembris v[a] 1604

Bij twee/ quitantien onder/ teeckent jan de haze blijct dat dese hondert guld(ens) ende/ de so(mm)e van vijftich guld(ens) volcomel(ijck) betaelt en(de) voldaen sijn/ ende sijn die berustende in handen van jacop vander straeten/ alsoe gedaen den 27 januarius anno 1614