Om neder te leggen zecker proces/ getermineert voer schepen(en) van loven/ tusschen jo(ncke)[r] charles van couwenhoven/ als impetrant tegen servaes van/ malborch gedaegde opden xxiiii[en]/ decembris 1603 ter causen van veertien/ rijnsguldens erffel(ijck) bekint eertijts/ bij matheeus de doove opden xxii[en]/ januarii a(nn)o xv[c] lxxii voer schepenen/ van sepperen ende daer inne de/ voirs(chreven) impetrant heeft getriumpheert/ beloopende de costen van dien ter somme/ van eenentzeventich rijnsguldens/ seven stuijvers een oirt heeft de/ voirs(chreven) servaes opgedraegen met behoirl(ijcke)/ verthijdenisse huijs ende hoff cool/ hoff ende allen andere sijne toebehoirten/ gelegen te sepperen groot omtrent drije/ boenderen regenooten de stege ter eenre/ het streepvelt ter ii[re] ende aert
//
prijs ter iii[re] het rotvelt ter iiii[re]/ sijden opde huijsvrouwe des voirs(chreven)/ servaes bij d afflijvicheijt des voirs(chreven)/ wijlen matheeus haers vaders verstorven/ Item twee boenderen lants daer bij gelegen/ regenooten liebrecht liefsoens ter eenre/ huijbrecht voes ende sebastiaen huijsmans/ ter andere zijden expos(ito) impositus/ de voirs(chreven) jo(ncke)[r] carel van couwenhoven/ per mo(dum) et satis de voirs(chreven)e opdragere/ obligerende submitterende ende/ renuntieren(de) in forma et waras opde/ lasten naervolgende Ierst ii(½) vaeten/ corens aenden pastoir aldaer twee/ vaten aende kercke een mudde rogs/ aen peeter aurogge twee mudden rogs/ aen het convent van sepperen ende/ den chijs aenden heere van weddinge/ bedraegende omtrent eenen stuijver/ Item elf vaten rogs aenden aultaer van/ sint nicolaes daer mede belast/ zijn de voirs(chreven)[e] twee boenderen daer/ aff questie is tanquam prout/ om bij vercoop van t zelve huijs/ ende twee boenderen lants te mogen/ verhaelen sijn wettich gebreck ende/ dat zonder eenige voirdere rechtvoirderinge/ daeromme te derven doen dan sal alleenel(ijck)/ t zelve geschieden naer vermogen vand(en)/ voirs(chreven) vonnisse d welck alhier nijet/ en wordt litigieux gemaect consenteren(de)/ t zelve alsoe te mogen geschieden zoe verre/ de selve servaes in eenig gebreck/ bevonden wordt van de naerbeschreven/ geloefte ende alsoe de voirn(oemde)
//
servaes bekendt sesse jaeren alleenel(ijck)/ de voirgen(oemde) goeden gebruijckt te hebben/ heeft geloeft ende geloeft bij desen te/ betaelen de sesse jaeren verloops van/ veerthien rijnsguldens erffel(ijck) inde/ termijnen naerbeschreven Te weten te/ bamisse naestcom(m)ende een jaer te/ kerssemisse naervolgende een jaer/ te lichtemisse 1605 een jaer [te paeschen dan naevolgen(de) een jaer] te/ sinxen daer naestvolgende een ander/ jaer ende sint janssemisse 1605/ het lesten jaer vande sesse voirs(chreven)e/ jaeren ende het jaer dat nu/ vallen sal geloeft hij te betaelen den/ xv[en] augusti 1605 alles los ende/ vrij sint truijden te leveren t elcke/ reijse als schult met rechte verwonnen/ Item aengaende de costen hier boven/ geruert heeft geloeft ende geloeft/ bij desen de zelve servaes deen helft/ daer aff te betaelen bijnnen drije weken/ naestcommende ende dander helft/ te lovenkermisse nu naestcommen(de)/ bijnnen der stadt van loven munte van/ brabant op conditie zoe verre een/ der voirs(chreven)[e] termijnen vuerstrijckt zonder/ te betaelen dat indien gevalle de/ geheele schult gevallen sal sijn ende/ datmen zonder andere rechtvoirderinge/ sal mogen procederen tot vercoope der/ voirs(chreven)e goeden Voirts heeft geloeft/ de voirn(oemde) servaes dese betaelinge inder/ manieren voergeruert te doen wel e(nde)/ loffel(ijck) onder obligatie ende/ submissie van zijnen persoone ende/ goeden ende renuntiatie van alle/ ende iegel(ijck) privilegien als voer
//
behoudelijck dat de selve jo(ncke)[r]/ carel in sijn geheel sal blijven vande/ andere verloopen te verhaelen daer/ ende alsoe hij sal ten raede bevinden/ te behoiren alles zonder prejuditie/ oft eenige innovatie vand(en) voirs(chreven)/ vonnisse coram liebrechts rivieren/ julii iii[a] [a](nno) 1604