Cond sij ieghewelken dat her jan vander calstren ridder wout(er) van nethen(en) gheheten vande(n)/ royeele en(de) wout(er) eveloghe [alse testame(n)toers wout(er)s wilen vander calstren] sijn comen in jeghenwordechh(eit) der scepen(en) van lovene en(de) hebben/ ghekent en(de) ghelijt dat sij wettelec hebben vercocht goesswine vander calstren co(m)moengimeestere/ van lovene ja(n)ne den witten ja(n)ne den vos woute(re)n uter porten henrike vand(er) calstren woute(re)n/ en(de) symone van thienen ghebrueders ja(n)ne den naen mu(n)te(r) seghe(re)n van durne soene godscalcs/ verwe(r) gheerde vand(er) coute(re)n weyne flippeels tessche(n)make(r) en(de) henrike vand(er) eyken becke(r) dbosch/ des voers(creven) wilen wout(er)s vander calstren ghelegh houdende liii boende(r) luttel meer of min ghele/ ghen in de p(ro)chie van holsbeke in enen stucke ghelijc dadt vercreghen was jeghen den vercreghe(n)/ was jeghen den he(re) van boutersheem en(de) in alder manieren alse de voers(creven) wout(er) tselve bosch aldaer/ houdende was te houwene en(de) te hebbene enen t(er)mijn van vii jaren [lanc] neest [toe] comende en(de) sonder/ middel volghende inder [voeghen en(de)] manieren hier na volghende bescreven Dats te weten inden iersten/ dat de voers(creven) coepliede tvoers(creven) bosch hebben en(de) houwen selen ene(n) [den] t(er)mijn van vii jaren voers(creven)/en(de) selent houwen te vii malen binnen den selven t(er)mine ghelijc alst gheleghen es [te metene] tusschen [sijns] palen/ en(de) termte te metene elc boender vande(n) selven bossche [daer af] o(m)me xxvi guldene(n) peters [der mu(n)ten va(n) lov(en) goet en(de) gheve te betalen inder manieren hier nae volghende] also verre/

als die mate ghedragen sal met sulker vorwerden[Dats te wetene te paesschen naest toe[co]mende neghenhond(er)t hollantsche guldene goet en(de) gheve of die weerde daer af in afslaghe vander [gheheelre] so(m)men die de voers(creven) come(n)scap ghedraghen sal en(de) dander dat] [dan] [vand(er) va(n)der gheheelre so(m)men vand(er) voers(creven) come(n)scap] [daer af ghebreken sal daer af selen sij betalen deene helechte van paesschen naestcomende over twee jare] [daer nae sond(er) middel volghende] [en(de) dander] [..] [helechte daer nae oec [ov(er)] twee jare [sonder middel volghende] [ten selven t(er)mine van paesschen] [dwelke de voers(creven) coepliede hebben gheloeft onghesu(n)d(er)t en(de) onghescheden den voers(creven) vercoperen hebben gheloeft te voldoene] te(n) elken t(er)mine alse vervolghde schout] [voldoene][en(de) es vorwerde en(de) ondersproken] datmen den voers(creven) coeplieden [verguetschen en(de)] afcurten sal/ voer de ydele plaetsen en(de) weghe die int voers(creven) bossche sijn moghen een half boender vander gheheelre/ maten die tselve bosch ghedraghe(n) sal En(de) es te verstane [Oec es te wetene] dat de voers(creven) comenscap es alleen vande(n)/ scaerhoute en(de) niet vande(n) opgaende houte vanden ouden wasse Ite(m) selen de voers(creven) coepliede/ hebben en(de) heffen tghelt vanden cope dien lodic en(de) goert gielijs ghedaen hebben vanden/ voers(creven) bossche Ite(m) selen de voers(creven) coepliede tvoers(creven) bossch houwen te vii malen binne(n) den voers(creven)/ vii jaren en(de) telken jare ter minst(er) scaden vanden bossche thout tghehouwen hout miten thout/ dat sij dan ghehouwen selen hebben miten [ter minster scaden vande(n) bossche] en(de) binnen den naesten jare daer nae dat selve/ ghemijtte hout rumen vanden bossche en(de) selen op elc boend(er) laten xx jonghe laet eyxkene/ elk van tien dumen dicke omgangs Ite(m) selen de voers(creven) coepliede moghen maken op dat/ sij willen elx jaers vande(n) voers(creven) t(er)mine ses culen colen ter minster scaden vande(n) bossche/Ite(m) selen [hebben] de voers(creven) coepliede gheven en(de) [gheloeft te] betalen tghelt vanden voers(creven) bossche in deser manieren/ Ite(m) hebben de voers(creven) vercopers den voers(creven) coeplieden gheloeft vander voers(creven) comenscap/ altoes ghenouch te doene en(de) warant te sine jeghen en yeghewelken den voers(creven) t(er)mijn/ dure(n)de [alsoe dat hen vast en(de) seker sal sijn] Ghedaen en(de) ghegheven int jaer ons he(re)n doemen screef m ccc neg tweenneghe(n)tich/ Hier waren over goert roelofs en(de) jan mertens scepene(n) van lovene ghegheven int/ jaer ons he(re)n doeme(n) screef m ccc tween(de)neghe(n)tich vijf daghe in dece(m)br(is)