Cond sij yeghewelken dat her jan vander elst ridder en(de) flips vander elst sijn brueder/ voer hen selven en(de) voer hern reyne(re) vand(er) elst ridde(r) en(de) gheerde vand(er) elst hae(r) brueders/ die sij hier in [die de selve h(er) jan en(de) flips in desen daghen saken] hebben gheloeft te verva[e]n in deen side ende willem van wilre soen wilen/ her willems van wilre [ridders] in dander side sijn comen in jeghenwordechheide(n) der scepenen/ van lovene en(de) hebben geloeft vast en(de) ghestede [eendrechtechlec] te houdene en(de) te voldoene vast en(de) ghestede/ tot eweliken daghen de ordinantie [deilinghe] en(de) vorwerden hier na volghende [die tusschen hen de voers(creven) partijen ghemaect en(de) ghe schiet sijn] alse vanden goeden/ die comen en(de) bleven sijn van wilen vrouwe lijsbetten roelands inder manieren hier na volghen(de)/ Inden iersten alse vanden bossche der voers(creven) wilen vrouwe lijsbetten heett gheleghen op meerdal/ datmen heett scittelberch houdende sessentsestich boende(r) luttel meer ocht min ghelijc alst ver/ creghen was jeghen her arnde van leefdale ridde(r) en(de) alsoe ment houdt te leene vanden greve/ van hercourt he(re) van arscot dat de voers(creven) ghebruede(re) vander elst van nu voert[ane] ewelec en(de)/ e(m)mermeer hebben [en(de) behouden] selen onder hen vieren de ene helechte vanden voers(creven) [selven] bossche en(de) de voergh(enoemde)/ willem van wilre dander helechte vanden selven bossche Item alse vanden haefliken goeden/of [en(de)] lijftochten die comen moghen sijn vand(er) voers(creven) vrouwe lijsbetten soe es [sijn de voers(creven) p(ar)tijen] ov(er)draghen Waer/ dat sake dat de voers(creven) willem van wille wilre vinden ocht ghetonen conste met wettigher/ waerheit tusschen dit en(de) sinte jans misse baptist naest comende dat [daer af] de voers(creven) ghebrueders/ vander elst yet meer ghehadt ocht ghehaven heddenonder hen allen dan de selve [voers(creven)] willem van/ wilre allene dat de selve ghebruede(re) vand(er) elst den selven wille(m)me van wilre daer af rastoer/ doen souden en(de) dat wederke(re)n alsoe dat hen [daer af] niet meer bliven en soude onder hen vieren dan/ den voers(creven) wille(m)me alleene en(de) die ghelijc souden dan [oec waer dat sake dat] de voers(creven) ghebruede(re) vander [elst] oec moghen/thoenen met wettigher waerheit waert dat sij iet vinden of ghetonen consten [met wettigher waerheit] dat de voers(creven)/ willem van wilre iet meer ghehadt ocht ghehaven hedde [dan selve sij] van enighen haefliken goeden ocht/ lijftochten die bleven sijn vand(er) voers(creven) [vrouwe] lijsbetten dat hen de voers(creven) willem daer af oec rastoer/ doen soude ind(er) manieren voers(creven) En(de) de voers(creven) willem van wilre ma sal hier af moghen doen alsulc/alsuc [sijn] bethoenenesse [als hij can en(de) wilt] tusschen dit en(de) sinte jans misse baptist [naest comende] ghelijc voers(creven) es en(de) niet langher/ en(de) soe waer de voers(creven) willem hem leett ghenueghen en(de) hier af gheen thoonisse en doet/ soe en selen noch en moghen de voers(creven) ghebruede(re) vander elst daer af [oec] ghene thoonisse doen/En(de) [noch den voers(creven) wille(m)me daer af aenspreken ocht yet eyschen] Mids welken poenten deilinghen en(de) vorw(er)den voers(creven) de voers(creven) partijen altemael/ ghescheeden veryffent en(de) ghesleten sijn en(de) bliven [selen] tot eweliken daghen van allen en(de)/ yeghewelken goeden en(de) dinghen het sij have lijftochte erve eyghen leene en(de) [va(n)de(n)] ande(re)n goede(n)/ hoe sij ghenoemt sijn ocht waer sij gheleghen sijn die comen en(de) bleven sijn vander/ voers(creven) vrouwe lijsbetten weghen in wat manieren dat sijn mach [die de voers(creven) partijen hebben en(de) houdende sijn] alle arghelist uutghescheide(n)/ En(de) de voers(creven) p(ar)tijen hebben gheloeft malcande(re)n tot haer.. [elc der andere van sine(n) ghedeelte vanden voers(creven) bossche tot sijnre] maenissen altoes ghenoech te/ doene voe(r) den he(re) vande(n) leene voers(creven) alsoe dat elken van hen [daer af] vast en(de) seker [moghe] sijn maghe tot/eweliken daghen Hier waren over bastijn vanden steene en(de) jan mertens scepene(n) van/ lovene ghegheven int jaer ons he(re)n m doeme(n) screef m ccc tween(de)neghe(n)tich opten/elfte elfsten dach van decembre