Cond sij allen lieden dat die dese l(ette)ren suelen sien ocht horen lesen dat opden dach datu(m)/ des briefs quam voer nu janne van schoenhoven casteleyn van dormale als here vande(n)/ leene hier na bescreve(n) en(de) vore de ma(n)ne van leene hier na ghenoemt jan die men heett/ edelhere sone wilen vrancs edelhere en(de) jan edelhere sijn sone den welken die voirs(creven)/ jan edelhere daer o(m)me uut sinen brode dede also als dat sculdech en(de) ghewoenlec es te/ ghesciene droeghen op in mijn hande met sculdegher vertienissen de leengoede hier/ na ghenoemt Inde(n) iersten xv dachmale winne(n)s lants en(de) een half boender eusels/ luttel min ocht meer daer af dat ghichtdraghere es goert vande(n) alboeme Item/iiii(½) vier boender en(de) een half dachmale [boender] lants luttel min ocht meer daer af dat/ ghichtdraghere es jan gheerts welke goede voers(creven) alle gheleghen sijn in die/prochie ghelijc dat [alle] de voirs(creven) goede gheleghen sijn in die prochie van tieldonc/ op moersbroec tusschen de(n) driesch de(n) [ten] alboem en(de) de goede jan gheerts voirs(creven) metten/ heerscape tsise tsijse en(de) rechte en(de) allen andere(n) toebehoerten der voers(creven) goede/ ghelijc datse de voirs(creven) jan edelhere aldaer houdende was