Cond sij allen lieden want discort dedinghe twist en(de) o(m)mi(n)ne opghestaen waren tusschen/ peter haengreve sone wilen peters haengreve uter p(ro)chien van libbeke in deen side/ en(de) her henric diemen heett de witte van ov(er)loe proeft den cloesters va(n) ghempe voer hen/ en(de) sijn cloest(er) voers(creven) en(de) symone vand(er) falisen in dander side overmids sekerre goede wille/ die de voers(creven) proeft ocht symoen ocht enich van hen tot des voers(creven) cloest(er)s behoef ocht and(er)s/ jeghen den voers(creven) [wilen] pet(er) haengreve en(de) sijn wijf ocht hare kinde(re) ghecocht en(de) ghecreghe(n) heeft/ Daer af dat de voers(creven) peter de sone hem betrouende was [alse] van alsulken ghedeelte als hem daer/ in toehoerde[behoren mochte] meynende daer in meer rechts te hebbene o(m)me des wille dat hij toten voers(creven) goeden/ die wile dat sijn vader leefde comen was voe(r) hof en(de) he(re) daer die goede af rueren Soe eest/ dat de voers(creven) p(ar)tijen come(n) sijn voer scepen(en) van lovene hier nae ghenoemt en(de) hebben ghekent/ en(de) ghelijt opembaerlec dat sij mids rade van haren vrienden sunderlinghe wout(er)s eveloghe/ en(de) henrics vanden b(er)ghe die hen des met groten ernste in goeder onsten o(m)me mi(n)ne vrienscap/ en(de) eendrechtecheit tusschen hen te maken vriendelec onderwonden en(de) daer o(m)me ghearbeidt hebben/ vanden voers(creven) saken en(de) van allen ande(re)n stote beclaghe ghebreke eyschinghen poenten en(de) dinghen/ die sij deen der ande(re) te tijen of te eyschen mochten hebben van wat saken dat rueren of comen/ mach tot opten dach van heden Altemael en(de) volcomelec vermiddelt veryffent gheslicht en(de) van accorde/ worden sijn mids den poente(n) en(de) inder manieren hier nae bescreven en(de) verclaert Inden iersten/ hebben de voers(creven) p(ar)tijen voer hen en(de) voer alle hare hulpe(re)n ocht die hen des met enig(er) p(ar)tijen onderwonde(n)/ hebben malc ande(re)n alle o(m)mi(n)ne en(de) alle saken van twiste ocht discorde die tussche(n) hen gheweest hebbe(n)/ volcomelec vergheven deen jeghen dande(re) daer op in recht(er) zoenen vertijende Item want de voers(creven)/ pet(er) haengreve [de] sone nu ter tijd alsoe hij kinde en(de) lijde vanden voers(creven) proeft ghehaven en(de) ontfanghen heeft/ hondert hollant(sche) gul(den) goet van goude en(de) van ghewichte boven dat d(er) comenscap vande(n) voers(creven) goeden/

ghedroech Soe heeft die selve peter ghekent en(de) ghelijt dat hem mids den voers(creven) hond(er)t hollan(tsche) gul(den)/ volcomelec ghenoech es gheschiet en(de) wael betaelt van alre scout van allen ghebreke van allen actien/ en(de) van allen rechte dat hij [he(m)] te eyschen hadde ocht hebben mochte in enig(er) manie(re)n van allen en(de) yeghe/ welken goede ocht enich daer af het sijn leene chijs goede erve ocht eyghen hoe sij ghenoemt sijn/ en(de) waer si gheleghen sijn [in natte(n) ocht in droghen] die de voers(creven) proeft ocht symoen ocht enich ander p(er)soen tot des voers(creven)/ proefts en(de) sijns cloesters behoef jeghen den voers(creven) [wilen] pete(re)n haengreve en(de) sijn wijf ocht jeghen den selven/ pete(re)n hare(n) [sone] ocht hare ande(re) kinde(re) ocht jeghen haerre enich sunderlinghe ghecocht of vercreghen heeft/ en(de) heeft de voers(creven) peter gheloeft den voers(creven) proeft tot sijnre mae(n)nissen vanden voers(creven) goeden altoes ghe/ noech te doene [op des voers(creven) proefts cost] alsoe v(er)re alst hem aen gaen mach soe ware hem daer af yet te luttel ghedaen ocht gheschiet/ ware voe(r) [de] he(re)n en(de) hove en(de) elken van hen daer die goede af rueren alsoe dat den selven proeft en(de) sinen/ godshuse voers(creven) tot eweliken daghen vast en(de) seker sal sijn Consente(re)nde de voers(creven) pet(er) dat de voers(creven) proeft/sal moghen wedereyschen en(de) vervolghen met den rechte op sijns vader goede en(de) erfghename(n) sond(er) alleen op hem/alsulken ghelt als hij soe te voren soe nu met den voers(creven) hond(er)t hollan(tsche) gul(den) vande(n) goeden daer de voers(creven) dedinghe
//
o(m)me toequam? meer betaelt heeft dan sij [ierst werf] ghecocht waren ter wettigher waerheit[En(de) heeft gheloeft [de voers(creven) pet(er)] dat hij ne(m)merme(r) te ghenen daghe(n) sine(n) bruede(re)n ocht enighen van hen [ocht iema(n)ne and(er)s] in ocsune vanden voers(creven) goeden hulpe raet noch succoers doen en sal jeghen den voers(creven) proeft ocht symone ocht yema(n)ne die toten voers(creven) goeden comen es in gheenre manie(re)n] Item boven dit heeft/ de voers(creven) peter opembaerlec en(de) volcomelec quijtghescoude(n) mids der ordin de voerghenoemde proeft en(de) sijn/ godshuys en(de) symoene vand(er) falisen en(de) alle de ghene die hen der voers(creven) saken ocht dedinghen met hen/ ocht van haren weghen in enigher manie(re)n onderwonden hebben en(de) alle hare goede beruerlec en(de) onbe/ ruerlec hoe sij ghenoemt en(de) waer sij gheleghen sijn van allen en(de) yeghewelken gheluften scoude/ vorwerden actien dinghen en(de) eyschinghen die de voers(creven) peter tot hen ocht tot haren goeden te segghe(n)/ te tijen ocht aen te spreken mach hebben van wat saken dat sijn mach tot opden dach van heden/ ke(n)nende en(de) lijende opembaerlec de selve peter dat hem van allen dinghe(n) poente(n) en(de) saken bove(n)/ bescreven te vollen ghenoech gheschiet es En(de) heeft gheloeft de voers(creven) pet(er) dat hij ter mae(n)nissen/ des voers(creven) proefts ocht symoens op des selfs proefts ocht symoens cost alle de voers(creven) ke(n)nissen ghe/ luften quijtscheldinghen en(de) obligatien ocht verbonde in des(er) jeghenw(er)dig(er) l(ette)ren begrepen oec noch/ doen sal voe(r) wat rechte en(de) voe(r) welke p(er)sone scepene notarise ocht ande(re) en(de) te wat steden en(de) hoe/dicke en(de) menichwerf hij beghe(re)n sal Welke gheluften quijtsceldinghen vorwerden en(de) poenten alle/ en(de) yeghewelke ghelijc dat [se] te voren sijn verclaert de voers(creven) peter heeft gheloeft op zoenbroke/ en(de) op ene(n) banduyn van v[c?] rijnsche(r) gulden(en) tot ons(er) genedig(er) vrouwe(n) behoef van brab(ant) te betalen/ vast en(de) ghestedich [ewelec] te houdene en(de) te voldoene sond(er) daer jeghen e(m)merme(r) [te comene ocht] te doene bij hem selven/ ocht bij yema(n)ne anders mids enighe(n) rechte gheestelec ocht werelec ocht anders in enig(er) manieren/ alle arghelist uutghescheiden wijch(uyse) grute(re) octobr(is) xii[a] xcvii[o]