SAL7706, Act: V°606a.1-V°606b.1 (123 of 133)
Search Act
previous | next
Act V°606a.1-V°606b.1  
Act
Date: 1398-12-

Transcription

2020-01-10 by xavier delacourt
Cont si allen lieden dat brueder jan de rike uut gegheve(n) heft te pachte een/
slachmole(n) geleghen te heverle op de voere ghehete(n) de berchmole(n) peter en(de) dese mole(n)/
heft peter vroemont [de jo(n)ghe pet(er) vroemonts sone] van kersavo(n)de naest come(n)de vi jaer duerende alle jare o(m)me/
xx gulde(n) hollantsce te betaelne va(n) maende te mae(n)den na gelande dat de pacht draecht/
Ite(m) soe en sal hem peter niet onderwinden core(n) in de mole(n) te maelne noch doe(n) te/
maelne noch hem der core(n) moelne ane te nemene sonder (con)sent van brueder janne/
den rike(n) en(de) hi en hebbe(n) des vruecht en(de) dat af sinen goeden moet/
Ite(m) soe sal pet(er) desen tijt duere(n)de [brueder jan sal dese mole(n) houde(n) van alle(n) grontwerke en(de) va(n) alle(n) staende [werken]] houden dese slachmole(n) van allen sake(n) op sijn selfs/
cost van berni(n)ge(n) van winden van sacke(n) van beitele(n) vedre(n) blocke(n) en(de) van allen des daer/
toe hoert/
Ite(m) soe sal pet(er) houde(n) de mole(n) van g(ra)vene op sulke(n) pegel alse hise vint en(de) alsoe goet/
late(n) en(de) waa waer si beter vonden worde dat sal he(m) brueder jan op richte(n) na goeder/
cnape(n) scattinge en(de) wort si arger vonde(n) te(n) inde van de(n) vi jare(n) dat sal peter hem op/
richte(n)/
Ite(m) soe sal pet(er) houde(n) de mole(n) bute(n) en(de) bi(n)ne(n) van alle(n) kere(n)de werke van houte en(de) van/
ysere en(de) late(n)se alsoe goet alse hise vint en(de) laet hise bet(er) dat sal he(m) brueder jan op richte(n)/
en(de) laet hise arger dat sal hi hem op richte(n) te scatti(n)ge(n) goeder cnapen/
Ite(m) soe sal peter orbere(n) den wuwer sijn water op te gadere(n) en(de) op en(de) af laten en/
hebbe(n) oec de weide van den dike [maer inden wilghen en sal hij gheen recht hebben] behoudelec dat hi geen droeve water dar op late(n) en/
sal en(de) dat hi dat beneme(n) e sal en(de) dat hi geen vesche dar op noch dar af doen en sal/
want brueder jan wilte(n) selve orbere(n) te vescen/
Ite(m) soe geloeft peter op ene(n) banduy(n) van xx gulde(n) petren [ad opus d(omi)ni duc(is) brab(antie)] bi(n)ne(n) dese(n) tide(n) dese mole(n) ni(et)/
late(n) te stane [noch daer uut trecken noch niema(n)ne anders voert uut gheve(n) sond(er) co(n)sent van brueder ja(n)ne] noch he(m) vluchtich te make(n) noch tot gee(n)re vriheit te trecke(n) bi(n)ne(n) lan(ts)/
noch bute(n) lants en(de) dese bandeen sal heffe(n) de here dar hi onder vonden worde werde

//
Testes ludovic[(us)] py(n)noc et q(ui)ntin[(us)] alb(u)s de ov(er)loe scabi(nis) lov(aniensibus) xcviii[o] no(vembris) x[a]
ContributorsGreet Stevens
Moderated bykristiaan magnus
Last update: 2017-05-15 by Xavier Delacourt