Ite(m) want twist en(de) discort op ghestaen en(de) gherezert? waren tusschen jan pep(er)coren en(de) henr(icke)/ pete(re)n pep(er)coren sine(n) gebrudere in deen side en(de) her henr(icke) [priest(er)] (et) joh(annes) halve dieme(n) heet vande(n) p(er)re/ ghebruede(re) in dand(er) side ov(er)mids erfliken goede(n) wille gheleghe(n) inde p(ro)chien va(n) bierbeke/ en(de) va(n) love(n)joel die hen bleven en(de) verstorven sijn [someghe] van oudervad(er) en(de) oud(er)moed(er) beide der p(ar)tijen/ voers(creven) en(de) someghe va(n) h(er) ja(n)ne wilen vande(n) p(er)re [priest(er)] oem der selver p(ar)tijen Soe sij come(n) beide/ de voers(creven) p(ar)tijen voer scepen(en) va(n) lovene en(de) hebben hen ghekeert vanden voers(creven) saken en(de) van/ allen ande(re)n stucken saken eyschinghe(n) aenspraken goeden dinghe(n) en(de) ghebreken die deen p(ar)tije/ tot(er) ande(re) te eyschen ocht aen te spreke(n) heeft ocht hebbe(n) mach va(n) wat saken dat sijn mach/ tot opden dach van heden in vriendelike yffene(re)n paysmak(er)s en(de) segghers Dats te wetene/ de voers(creven) jan en(de) pet(er) pep(er)coren voer hen en(de) voe(r) kat(linen) haerre suste(r) die sij hier in hebben/ gheloeft te verwane in woute(re)n en(de) ja(n)ne vande(n) borchhove(n) en(de) de voers(creven) h(er) henr(ic) en(de) joh(annes)/ halve voe(r) hen en(de) gheertrude(n) haerre suste(r) die sij oec hier in hebbe(n) gheloeft te vervane/ in quinten den witten va(n) ov(er)loe en(de) ja(n)ne van udekeem en(de) hebben gheloeft elc vande(n) voers(creven)/ p(ar)tijen op de sake verloren en(de) op ene(n) banduyn van xx francr(ijx) crone(n) tot ons(er) gened(iger) vrouwe(n)/ behoef va(n) brab(ant) te betale(n) vast en(de) ghestede te houde(n) en(de) te voldoene soe wat de voers(creven) vier seg/ ghe(re)n of de drie van hen hier af s eendrechtelec [ocht een ov(er)man die de voers(creven) iiii seggh(er)s op dat sijs niet van accorde en waren daer toe nemen en kiesen selen binne(n) de(n) voers(creven) t(er)mine] segghe(n) en(de) p(ro)nuncie(re)n selen es voerwerde dat elc/ vande(n) voers(creven) segghers sin p(ar)tijen sine(n) segghers ov(er)gheven sal in ghescrifte tussche(n) dit en(de) sinte/ marie magdalen(en) dach naest come(n)de al[le] sinen eysch en(de) aensprake die hij heeft of ov(er)gheven en(de)/ doen wille tot(er) ande(re) p(ar)tijen voers(creven) en(de) dat elc p(ar)tije sijn v(er)antw(er)den dat hij daer op doen wille/ ov(er)gheve(n) sal sine(n) segghers in ghescrifte binne(n) acht daghe(n) daer nae sond(er) middel volghen(de)/ En(de) dat daer na de voers(creven) p(ar)tijen [segghers] haer segghe(n) ute(n) en(de) p(ro)nu(n)cie(re)n selen tussche(n) dan en(de) ons(er) vrou/ wen dach nativit(as) naest volghen(de) En(de) soe waere de voers(creven) vier segghers of de drie va(n) hen des/ niet va(n) accorde en waren en(de) gheen segghen binne(n) den voers(creven) t(er)mine daer af seyden dat sij [de segghers] dan/ binne(n) dien selven t(er)mine selen en(de) moghen kiesen enen ov(er)man die hen vieren [segghers] ghenueght en(de)/ die ov(er)man sal t(er)mijn hebben sijn segghe(n) te p(ro)nu(n)cie(re)n tussche(n) dan en(de) sinte dyonijs dach naest/ come(n)de En(de) es vorw(er)de soe waer enig(er) p(ar)tijen een seggh(er) ocht meer ghebrake dat hij [die p(ar)tije] ande(re) segghe(rs)/ een ocht meer wed(er) in sine [dies] stat kiese(n) en(de) setten mach En(de) soe waer de voers(creven) iiii segghers/ ocht de iii van hen binne(n) hare(n) voers(creven) t(er)mine of de voers(creven) ov(er)man binne(n) sine(n) t(er)mine voers(creven)/ hier af gheen segghen en p(ro)nuncieerde(n) [seide(n) ocht] dat dan de voers(creven) saken staen soude(n) in alle der voe/ ghen en(de) manie(re)n datse te voren stonden eer dit jeghe(n)w(er)dighe co(m)p(ro)mis gheschiede huffle gru/ tere a(n)no xcix[o] julii x[a]