Cond sij allen lieden den ghenen die dese l(ette)ren selen sien ocht horen lesen dat opden dach datu(m)/ des briefs quam voer ons janne van scoenhoven castelayn van dormale ridde(r) als he(re)/ vanden leene hier nae bescreven en(de) voe(r) de ma(n)ne van leene hier nae ghenoemt [wille(m) ute(n) helechte(n) sone wilen jans] symoen/vrancs wissele(r) der stat van lovene en(de) kende (et) lijde dat hij vercocht hadde in wet/ tigher comenscap o(m)me een seke(re) so(m)me van ghelde daer af dat hij kende hem te/ vollen ghenoech [wesen] ghedaem wille(m)me uten helechte sone wilen jans uten helechte [hove wone(n)de te werchte(re)] sine goede/ hier nae bescreven gheleghen te tyeldonc ghelijcmen die van ons te leene houdende es/ Dats te wetene drie boende(r) en(de) drie dachmale winnens lants en(de) een half boender/ eusels luttel min ocht meer daer af ghichtdragher es goert vanden albome Ite(m)/ vier boende(r) en(de) een half lants luttel min ocht meer daer af dat ghichtdragher es/ jan gheerts ghelijc dat alle de voers(creven) goede gheleghen sijn op moersbroec in enen stuc/ ke tusschen den driesch ten albome en(de) de goede jan gheerts voers(creven) met den heerscape/ tsijse en(de) rechte en(de) allen ande(re)n toebehoerten der voers(creven) goede ghelijc datse de voers(creven)/ symoen aldaer houdende was en(de) bat en(de) versocht ons de voers(creven) symoen vranx [wille(m) ute(n) helechte] dat/ wij daer op ma(n)ne woude(n) ene(n) ons(er) ma(n)ne van leene hoe hi der voirs(creven) goede mette(n) rechte/ derve(n) soude en(de) hem daer af ontgoede(n) op dwelke wij ter bede(n) van hem mae(n)den ja(n)ne/ den swerte(re) onsen man van leene die hem des mette(n) [beriet] met de(n) ma(n)nen van leene ons(er) ge/ wouter blanckarts wone(n)de te lovene op de biest ons van hem daer toe gheleent/ te wetene roelof va(n) bertheem jan smacht en(de) jan de nauwesnide(re) en(de) gnoech beraden/ weder bracht wisende voe(r) een vo(n)nisse met vollen ghevolghe der selver ma(n)ne dat de vors(creven)/ symoen vrancs [wille(m) ute(n) helechte] op drage(n) soude in onse hande de voirs(creven) leengoede ghelijc si van ons leen/ lec ruere(n)de sijn met alle(n) hare(n) toebehoerte(n) tot behoef jans [wille(m)s] [u] uten helechte [hove] voirs(creven) dwelc/ die voirs(creven) symoen vrancs [wille(m) ute(n) helechte] volcomelec dede ghelijc alse tfo(n)nisse der ma(n)ne voirs(creven) ghe/ wijst hadde tot behoef des voirs(creven) jans uten helecht [wille(m)s uten hove] op de selve goede alsoe trecht/ wijsde met ene(n) halme volcomelec vertiende En(de) dat gedae(n) soe verlee(n)den wij de(n) voirs(creven)/janne ute(n) helechten [wille(m) ute(n) hove] de voirs(creven) goede met alle(n) hare(n) toebehoerte(n) ghelijc dat si va(n) ons/ leenlec ruere(n)de sijn en(de) goede(n) goedde(n) he(m) daer in met lee(n)schen rechte bi manissen/ van ons en(de) wijsdo(m)me der ma(n)ne voirs(creven) en(de) ontfinghe(n) hem daer af in onser manscap/ en(de) hi dede ons hulde en(de) eet van trouwen en(de) al dat een man van leene [sine(n) he(re)] sculdech es/ te doene En(de) tot alle(n) desen dinghe(n) voirs(creven) sijn ghesciet alle poe(n)ten en(de) artucu articule(n)/ va(n) rechte die daer toe sculdech ware(n) te ghesciene en ghee(n) poent va(n) rechte acht(er)/ ghelate(n) Voert gheloefde voer ons en(de) de voer de ma(n)ne voirs(creven) de voirs(creven) [wille(m) ute(n) helechte] symoen/vrancs de(n) voirs(creven) janne [wille(m)] uten helechte [hove] vande(n) voirs(creven) leengoede(n) altoes gnoech te doene/ soe waer hem daer af yet te nauwe ghesciet ware also dat hem tot eweleken daghe(n)/ vast en(de) seker sal sijn in accorde des briefs daer wij jan va(n) scoenhoven/ ridde(r) casteleyn van dormale voirs(creven) als he(re) vande(n) leene voirghenoe(m)t en(de) wij jan/ de swerte(re) des man des voirs(creven) t here(n) he(re)n [va(n)de(n) leene] roelof van bertheem jan smacht en(de)/ jan de nauwesnide(re) ma(n)ne van leene wouter blanckarts voirs(creven) den voirs(creven) her janne/ van scoenhove(n) daer toe gheleent om dat wij daer bij en(de) ane gheweest sijn daer/ alle dese voirs(creven) dinghen en(de) saken aldus volcomelijc mette[den] rechte ghehandelt en(de)/ ghesciet sijn onse segelle hebbe(n) aen ghehange(n) ghegheve(n) int jaer ons here(n) alsmen/ screef dusent driehondert twe achten(de)neghentich twelef [twelf] daghe in meye