Ite(m) goert vanden b(er)ghe als ov(er)man hier af heeght gheseeght sijn segghen in des(er) manieren dats te weten dat jan/ vanden tymple hebben sal opten pant en(de) ten t(er)mine(n) als sine brieve begripen de welke goert seeght voe(r) sijn segghen/ in alle haerre maecht En(de) als vanden stote die tusschen janne vanden temple en(de) janne van loen es wat men/ betalen sal voer dat l(i)b(ra) gr(ooten) daer dese twist en(de) stoet af gheweest heeft soe seit goert voers(creven) voer sijn segghe(n)/ dat jan vanden temple jaerlex daer af heffen sal voer deen helcht dats x s(childen) gr(ooten) alsulcs ghelds alse de stat/ van lovene haren pensionarizen binne(n) lovene gheseten ten tiden gheven en(de) betalen sal van lijftochte(n) en(de) voer dand(er)/ helcht dats x s(childen) gr(ooten) alsulcs ghelds als de stat van lovene haren pensionarize(n) van bruessele ten tiden gheven/ en(de) betale(n) sal van lijftochten huffle kersmake(re) maii xiiii