Van willem vand(er) hofstat/ Ite(m) het sijn come(n) in rechte inde banc voe(r) meye(r) en(de) scepen(en) va(n) lov(en) willem/ de witte als momboe(r) katline(n) sijns wijfs docht(er) jans wilen va(n) arschot/ goutsmeets in deen side en(de) willem vand(er) hofstat in dande(r) side(n) daer/ de vors(creven) willem de witte en(de) joffr(ouwe) a(n)ne een aensprake dede(n) tot de(n) vors(creven)/ wille(m)me vand(er) hofstat en(de) seyden dat willem vand(er) hofstat hadde ocht/ gehadt hadde in sijn gewelt ene(n) scepen(en) brief va(n) iiii(½)[c] roeskens mott(oene)/ d(aer) af dat hen een derdel toebehoerte van vranx wegen wile(n) vand(er)/ hofstat alse erfgename(n) hoe(r) moed(er) die sust(er) docht(er) was des vors(creven)/ vranx wilen vand(er) hofstat en(de) seyden dat willem vors(creven) dien brief/ ov(er)gegeve(n) hadde mids de(n) welken sij hoers derdels d(er)ven moeste(n) van/ dien gelde dat hen alsoe toebehoerte(n) als va(n) ene(n) derde(n)deele va(n)de(n) vors(creven)/ iiii(½)[c] roeskens mott(oene) En(de) alwaert alsoe dat willem vors(creven) seggen mochte/ dat hi dien brief ov(er)gegeve(n) hadde bi wete(n) en(de) consente jans va(n) arschot/ hoers vad(er) dat hem dat gheen scade doen en soude hi en soudt thoene(n)/ alsoe hijt sculdich wae(r) te thoene(n) op ene(n) doden man Daer op dat wille(m)/ vand(er) hofstat vors(creven) hem v(er)antw(er)dde en(de) seyde en(de) wed(er)redende alle de worde/ die de vors(creven) willem de witte en(de) joffr(ouwe) a(n)ne te hem w(er)t gedaen hadde dat/ hem die gheen scade doen en soude(n) noch wille(m)me vand(er) hofstat onstade en(de) seyde alse vande(n) vors(creven) scepen(en) br(ieve) [brieve] d(aer) af dat sij hem aenghesproke(n)/ hadde(n) dat hi dien noeyt en hadde noch noeyt ov(er)gaf ov(er) en gaf en(de)/ dies boet hi sijn onschout Alsoe dat de scepen(en) d(aer) op gemaent va(n)de(n)/ meye(r) wijsden voe(r) een vo(n)nisse wa(n)t hi onschout gebode(n) hadde dat hi/ onschout doen soude welke onschout hi dede alsoe dat de scepen(en)/ voert gemaent wijsden dat hi met d(er) eet en(de) met d(er) onschout die hi/ gedaen hadde gestaen soude Hier wae(re)n ov(er) lod(ewijc) py(n)noc jan rogge/ jo(hannes) borch(oven) en(de) jan maes dec(embris) iii[a]