Van janne vranx vorste(r) van cortbeke en(de) vande(n) ghene(n)/ die met hem wae(re)n daer claes bonte va(n) thienen la(m)brecht/ bonte sijn brued(er) en(de) arnt zac ghevangen worde(n) daer/ de vors(creven) vorste(r) gewondt en(de) gequedst waert vande(n) vors(creven)/ claes die dat feyt aen hem droegh/ Item es te wete(n) dat de meyer va(n) loeven(e) den vors(creven) claes want hi dat feyt/ aen hem droegh aensprac en(de) tycht gaf den vors(creven) claes want hi tvors(creven)/ feyt aen hem gedrage(n) hadde dat de vors(creven) vorste(r) ghewondt en(de) ghequedst/ waert dat hi daer aen verboert hadde jegen onse(n) gened(igen) he(re) va(n) brabant/ sijn hant ocht lx royale ocht alsulke(n) coere ende broeke als de scepen(en)/ wisen soude(n) daer toe dat hi hem v(er)mat seke(re) thoenisse dat met de(n) vo(n)nisse/ en(de) met de(n) rechte v(er)hoert waert Daer op dat de vors(creven) claes hem v(er)antw(er)de/ met alrehande(n) redene(n) en(de) woerde(n) die hi d(aer) toe seyde alsoe dat de scepen(en)/ va(n) lov(en) d(aer) op gemaent vande(n) vors(creven) meyer wijsde(n) voe(r) een vo(n)nisse dat de/ meye(r) va(n) loeven(e) sijns v(er)meets volcome(n) wae(r) en(de) dat de vors(creven) claes sijn hant/ gebroect en(de) verboert hadde jegen onse(n) gened(igen) he(re) va(n) brab(an)t ocht lx royale/ d(aer) voe(r) te gheve(n) en(de) voert dat jan vranx en(de) de ghene die met hem wae(re)n/ d(aer) de vors(creven) claes en(de) dande(r) sijn [vors(creven)] medegesellen gevange(n) worde(n) va(n) dier sake(n)/ quijtte en(de) ongehoude(n) sijn soude(n) [jegen den hee(re)] en(de) ongheveedt en(de) ghezoent jege(n) den/ vors(creven) claes en(de) sijn medegesellen en(de) hoe(re)n mage(n) en(de) vriende(n) cora(m) lud(ivico)/ py(n)noc h(enrico) de borch(oven) rogge joh(anne) de borch(oven) ger(ardo) de haenwijc joh(anne) h(er)tshals/ joh(ann)e maes scab(inis) lov(aniensibus) dec(embris) xii