SAL7709, Act: V°417.3-R°418.1 (156 of 186)
Search Act
previous | next
Act V°417.3-R°418.1  
Act
Date: 1419-03-21

Transcription

2020-09-06 by xavier delacourt
Item want stoet en(de) tebat geweest heeft [hebben] tusschen meest(er)/
ja(n)ne ty(m)merma(n) [va(n) rotsel(aer)] et ja(n)ne den waersege(re) die ov(er)mids/
vo(n)nisse va(n) scep(enen) br(ieve) va(n) lov(en) beleyt sijn tot allen de(n) goede(n)/
have en(de) erve jans de smet in deen side en(de) janne va(n)/
hoevelde den jonghe(n) in dande(r) side Alse van seke(re)n goede(n)/
daer aen dat de vors(creven) meest(er) [jan] en(de) jan de waersege(re)/
meyne(n) dat hen de vorscr(even) jan va(n) hoevelde ongebruyc/
[doet] jege(n) hoe(re)n beleyde en(de) van seke(re)n rente(n) die sij meyne(n)/
dat de vors(creven) selve jan va(n) hoevelde hen onthave(n) soude/
hebbe(n) Soe sijn beyde de vors(creven) p(ar)tien come(n) voe(r) scepen(en)/
va(n) lov(en) en(de) sijn van allen den vors(creven) stoete bleve(n) in segge(re)n/
en(de) in vr(iendelec) yffene(re)n te wete(n) de vors(creven) mest(er) jan en(de) jan de/
waersege(re) in janne lerbijl [leed(er)bijl] en(de) in ja(n)ne de vorste(re) beide van rotselaer/
ende de voirs(creven) jan van hoevelde ende henricken vand(er) heyden dross(ete) van/
rotselaer ende jannese opden berch in alsulker voege(n) dat de voirs(creven)/
meest(er) jan en(de) jan de waersege(re) alle hoe(r) reden(en) ende besceyt dat si tot/
den voirs(creven) ja(n)ne van hoevelde meyne(n) te hebbe(n) ov(er)geve(n) selen in gescrifte/
den seggers des voirs(creven) jans vanden hoevelde [of den ene(n) va(n) hen] tusschen dit en(de) maendach avont/
naest comende alsoe dat si dien eysch den voirs(creven) ja(n)ne vand(en) hoevelde ot te/
liveren(e) selen die si verantwerd(ende)? dair op maken sal en(de) dat ov(er)gheve(n) den/
segghers des voirs(creven) meest(er) jans en(de) jans de waersege(re) Alsoe dat dair [of den ene(n) va(n) hen bi(n)ne(n)]/
viii dagen d(aer) naest volge(n)de [op] Alsoe dat d(air) nae
//
nae de voirs(creven) iiii segge(re)n selen vergade(re)n ende hair segge(n) dair af segghen [en(de) uten] binnen/
vierti. [xiiii] nachten dair naest volgende op dat sijer eens ende van accorde sijn ende soe/
waer sijs niet van accorde gewerden en consten dat sij dan bynne(n) viii daghen daer nae/
volgende comen selen voer scepenen van lovene ende halen des een hoetvo(n)nisse gelijc ofs/
p(ar)tien metten rechte gedinght hadden Ende hebben geloeft beyde de voirs(creven) p(ar)tien vaste/
ende gestedich te houden wes biden voirs(creven) iiii segge(re)n eendrechtichlec geseeght sal werde(n)/
of de scepen(en) van lovene hen voer een vo(n)nisse gheven en(de) leren selen borch(oven) abs(oloens)/
m(ar)cii xxi
ContributorsGreet Stevens , Jos Jonckheer
Moderated byGreet Stevens
Last update: 2017-03-14 by Xavier Delacourt