Cond sij allen liede(n) dat h(er) scochart van forveyez proefst scloest(er)s van/ heyleshem es comen in jegewordich(eit) der scepen(en) van loven(e) en(de) heeft gegheve(n)/ en(de) bekendt dat hi ghegeve(n) heeft inden name en(de) van weghen des voirs(creven) cloest(er)s/ henricke van wynde van goetsenhove(n) de wy(n)ninge des selfs cloest(er)s [met d(en) woni(n)gen] geleghen/ te heyleshem by(n)ne(n) den byvange des selfs cloest(er)s met allen den huysingen [d(aer)toe ho(r)ende] wy(n)ne(n)den/[lande beemden en(de) eeuselen] tot der voirs(creven) wy(n)ningen ho(r)ende gelijc dat lambrecht van ertrike die te houde(n)/ plach houdende onder [al] [te gade(r)] alsoe v(er)re als de ploech gaet en(de) de zeysene maeyt hond(er)t/ en(de) vierthien boend(er) of daer omtrent der maten van ned(er)heyleshem Te houde(n)/ te hebben en(de) te wy(n)nen van op den vierden dach [der maent] van julio lestleden ene(n) t(er)mijn/ van neghen jae(re)n lang deen nae dand(er) daer nae staphans volgende Elx/ jaers dae(re)n bynne(n) o(m)me twehond(er)t en(de) tachtentich mudde thiendscorens/ goet en(de) payabel met wanne en(de) met vleghele wael bereidt der maten van/ thienen te wete(n) vi halst(er) der selver maten voer een mudde gerekent te/ s(int) andr(ies) misse apostels te betalen en(de) inde(n) voirs(creven) hove inde schue(re) aldaer te leve(re)n/en(de) [en(de)] van daer [saelt de wy(n)ne] voert te draghen op den spike(r) des selfs cloest(er)s aldaer alle jae(re)/ den voirs(creven) t(er)mijn due(re)nde en(de) telken t(er)mine als vervolghde schout alsoe dat/ de voirs(creven) wy(n)ne bynne(n) den voirs(creven) neghe(n) jae(re)n bet(alen) sal neghen pachte Item/ sal tvoirs(creven) cloest(er) moghen doen kiesen alle jae(re) ener een boend(er) lants/ te rapen vanden lande dat de voirs(creven) wy(n)ne genome(n) heeft en(de) dat sal de wy(n)ne/ wynne(n) op sine(n) cost ende mesten wel en(de) p(ro)fitelec en(de) tcloest(er) voirs(creven) sal/ daer toe den zaet leve(re)n en(de) de wy(n)ne voirs(creven) saelt zaeyen met groten zade/ en(de) en sal dan dien raeplande dat jaer ghene(n) pacht gelde(n) en(de) als de rapen/ uutgetoghen sijn dan sal de wy(n)ne voirs(creven) met dien lande sijn p(ro)fijt doen mar/ waert dat sake dat m(ijn) he(re) voirs(creven) die rapen woude laten staen te zade dan/ soude men hem [den wy(n)ne] daer voe(r) afslaen twee pachte It(em) sal de wy(n)ne voirs(creven) jaerlex/ leve(re)n den voirs(creven) t(er)mijn due(re)nde altoes te s(int) andries misse thien mudde/ raepzaets [der maten voirs(creven)] en(de) voer elc mudde zaets sal men hem afcorten twee mudde pachs/ It(em) sal de wynne voirs(creven) alle de vrochte die hi wy(n)nen sal op de voergh(eruerde) lande/ doen vue(re)n doen vue(re)n inde [int cloesters] schue(re) voirs(creven) en(de) allet stroe dat daer af comen sal/ te meste beke(re)n en(de) allet mest jaerlex doen vue(re)n op de voirs(creven) lande dies/ aller meest te doen selen hebben [waer dat sij gelegen sijn] en(de) de voirs(creven) wy(n)nen sal die [lande] wy(n)nen ende/ werven [te(n) mynsten] gelijc sinen reengenoeten Item sal de wy(n)ne voirs(creven) jaerlex leve(re)n
//
alsoe vele bedstroes alsmen behoeve(n) sal in allet cloester en(de) alsoe vele/ oreten alsmen behoeve(n) sal de huyse en(de) de mure mede te vorstene en(de) te/ houdene en(de) oec alsoe vele stroes alsmen behoeve(n) sal scloest(er)s p(er)de en(de) gastp(er)de/ mede te struwene en(de) oec den ove(n) en(de) and(er) viere mede tontfinckene en(de) daer/ voer sal hi hebben allet mest dat int cloest(er) gemaect sal werden Item/ es ond(er)sproke(n) dat alle de lande die der voirs(creven) wy(n)ni(n)gen toebeho(r)en die te pachte/ of te hueringen uutstaen dat die blive(n) selen staende hoe(re)n t(er)mijn lang/ due(re)nde ind(er) pachtinge(n) dat sij die genome(n) hebben en(de) lambrecht van ertrike/ hen gegheve(n) heeft op alsoe dat henric de wy(n)ne voirs(creven) dien pacht jaerlex/ heffen sal Item sal de wy(n)ne voirs(creven) jaerlex leve(re)n van den voirs(creven) t(er)mijn due(re)nde/ van goede(n) vrydage tote s(int) remeys misse alle weke(n) vii l(i)b(ra) bote(re)n en(de) vii gelte(n)/ melcs en(de) daer voe(r) sal hi hebben alle den toemaet vande(n) beemde(n) uutgenome(n)/ den formerie beemt den beemt te nodevoert den criemonts beemt den py(p)pot/ en(de) de beemde te ned(er)heyleshem mar dande(re) sal hi hebben gelijcse dande(r) wy(n)ne(n)/ voertijts gehadt hebben It(em) sal m(ijn) he(re) voirs(creven) sijn maybeemde doen mayen xiiii/ nacht nae s(int) jans misse bap(tis)[te(n)] waert dat de reghen niet en benemt uutgenome(n)/ den py(p)pot dat hi dien niet en mach doen mayen alst hem genueght want die/ wy(n)ne daer aen niet en heeft It(em) sal de wy(n)ne voirs(creven) hebben den ezelbeemt/ voer den beemt te nodevoert die de wy(n)ne plach te hebbene It(em) sal de wy(n)ne/ voirs(creven) den la(m)m(er)driesch hebben sond(er) pacht daer af te gheve(n) It(em) sal de wy(n)ne/ voirs(creven) hebben den kemphof met der stat daer de schue(re) plach te staen/ en(de) voert vand(er) helcht vande(n) spike(r) tot den mue(re) vande(n) warmoeshove sonder/ yet daer af te gheve(n) It(em) sal de voirs(creven) wy(n)ne moghen doen snide(n) alle de crude bynne(n)/ alle den cloester en(de) oec buten gelijc dat de wynne plach te hebben uutgenomen den/ kerchof den vrijthof scovents en(de) m(ijns) he(re)n p(ri)ele den wijng(ar)t den warmoeshof/ sproefs pyeel [prieel] m(ijns) he(re)n en(de) scovents savoere te paenhuyse en(de) te bachuyse It(em) sal de/ wy(n)ne voirs(creven) moghen truncken te behoerleke(n) tide alle de willige(n) die o(m)me de beemde/ wassen die hi houdende es en(de) tijtverdich sijn en(de) die beemde luyken en(de) vrede(n) met den/ loke en(de) wel ef en(de) suffisanment [souffisantelec] houde(n) van grechten en(de) van thune(n) en(de) die late(n)/ in sine(n) uutgane alsoe hise vant in sine(n) income(n) en(de) wat vande(n) loke ov(er)wast dat sal/ hi moghe(n) kee(re)n te sinen p(ro)fite en(de) oec sal hi hebbe(n) de oude willige(n) en(de) daer voe(r) sal hi/ planten alle jae(re) tweehond(er)t poten te goede(n) tide en(de) te goede(n) saysune en(de) die wel/ huede(n) en(de) bevrede(n) It(em) sal de wy(n)ne voirs(creven) jaerlex leve(re)n te s(int) lambrechts misse xii/ verkene op de werde van xxiiii hollan(sche) gulde(n) en(de) sijn die xii verkene bet(er) dat/ salmen den wy(n)ne wed(er)ke(re)n sijn sij oec argher dat sal de wy(n)ne voirs(creven) oprichte(n)
//
te comans prise en(de) daer voe(r) soe sal hi hebben tdraf en(de) tslijc dat come(n) sal/ van cloest(er)s paenhuyse en(de) alle xiiii nachten xvii gelten g cloest(er)s biers eest/ datmen bruwt en(de) and(er)s niet maer in die oeghtsmaent soe sal hi hebben voer/ die ene vierthien nacht een vat biers It(em) en sal de wy(n)ne voirs(creven) van nyema(n)de/ mogen scape houde(n) inde voirs(creven) wy(n)ni(n)ge dan van m(ijn) he(re) voirs(creven) mar hi sal van m(ijn)/ voirs(creven) tweehond(er)t scape houde(n) altoes te twe jae(re)n te deylen gelijc dat men pleegt/ sonder argelist en(de) die sal hi doen wel vueden en(de) houde(n) en(de) alsoe daer toe/ doen sien als dat m(ijn) he(re) voirs(creven) gheen schade daer bi en hebbe It(em) sal de voirs(creven)/ wy(n)ne b(ri)ngen te sine(n) scoensten [van s(inte) remeys misse tot half m(er)te alle weeken [int] cloest(er) vanden bossche va(n) cattendale?] drie voed(er) houts mede te backene en(de) te bruwene/ en(de) daer voer sal hi moghen hae backen in scloest(er)s oven met scloet(er)s heytsele/ te wat tide dat de wy(n)ne voirs(creven) dies te doen sal hebben sond(er) argelist It(em) sal de/ voirs(creven) wy(n)ne leve(re)n alle jae(re) te m(ijns) he(re)n wijng(ar)de behoef tweenderdt tweendertich/ goede voed(er) mests van sine(n) beste(n) meste te behoerleke(n) tide en(de) daer aen [af] sal hi/ de xvi voed(er) doen vue(re)n en(de) m(ijn) he(re) dand(er) xvi met sijns selfs wagene en(de) oec/ sal de wy(n)ne voirs(creven) den waermoeshof voirs(creven) meste(n) nae sijn behoefte en(de) daer/ by(n)ne(n) niet hebben ov(er)mids den warmoeshof die de wy(n)ne selve gemaect en(de)/ gewonne(n) heeft in de [in die] boeverie daer hi allene sijn behoefte sal mogen neme(n)/ en(de) oec meste(n) nae sijn behoefte It(em) sal de wy(n)ne voirs(creven) de huysingen die hem/ gelev(er)t sijn sijn dese(n) t(er)mijn due(re)nde wel en(de) souffisamme(n)t houde(n) van wande/ en(de) van dake want sij hem alsoe gelev(er)t sijn en(de) alsoe sal hise oec laten inde(n)/ uutgaen van sine(n) t(er)mine It(em) waert dat sake dat de wy(n)ne voirs(creven) in gebreke/ wa(r)e van enigen stucken dat m(ijn) he(re) hem sculdich wa(r)e te makene dats te wete(n)/ van doren van vynste(re)n en(de) van ande(r) ty(m)meringen en(de) hijs niet en dade make(n)/ bynne(n) xl dage(n) nae dat hijs of sijn [de vors(creven)] proeft vande(n) voirs(creven) wy(n)ne gemaent wa(r)e/ dat dan de voirs(creven) wy(n)ne dat sal moge(n) doen make(n) en(de) mine(n) he(re) afrekene(n) van/ sine(n) pachte ten naeste(n) s(int) andr(ies) misse It(em) gevielt dat god verhuede(n) moet/ dat de voirs(creven) wy(n)ne schade lede van viere dat van she(re)n of van scloest(er)s wege(n)/ quame dat soude tcloest(er) den wy(n)ne oprichten en(de) desgelijx soude de wy(n)ne m(ijn) he(re)/ en(de) sine(n) cloeste(r) oprichten schade die van sine(n) viere quame ter wettig(er) scattinge(n)/ It(em) gevielt oec dat god verhueden moet dat de wy(n)ne [de] voirs(creven) schade lede/ van gemeyne(n) tempeeste en(de) hi dat cond dade by(n)ne(n) xiiii nachten nae datse/ gevallen wa(r)e alsulke schade soude hem tcloest(er) voirs(creven) oprichten gelijc die/secu(n)daire kerke [ande(re) p(re)late van gelik(er) schaden] hae(re)n pachtene(re)n doen soude(n) It(em) sal m(ijn) he(re) en(de) tco(n)vent voirs(creven)/ moghen doen leem graven op de voergh(eruerde) lande sgodshuys behoef altoes ter/ mynster schaden sond(er) argelist It(em) en sal nyemand by(n)nen den cloest(er) voirs(creven)
//
verken(e) moghen houden die by(n)nen der voirs(creven) boeverien wandelen selen dan/ hubrecht van stiers allene It(em) sal de wy(n)ne voirs(creven) ene(n) roc tsjaers hebben/ van m(ijn) he(re)n levereie of twee mudde corens daer voe(r) dwelc dat den wy(n)ne/ best genueghen sal mar eest dat sake dat hi tcoren kiest soe sal hi dien roc/ becostigen en(de) doen make(n) nae m(ijns) he(re)n leverie gelijc sine(n) ande(re)n knapen en(de)/ dieners It(em) soe wanneer tco(n)vent op mijns he(re)n huys eten sal dan sal de wynne/ voirs(creven) oec daer bove(n) comen eten en(de) men sal sijn werdy(n)ne alsoe dicke als dat es/ telkenmale een quarte wijns en(de) een schotele spisen gheve(n) It(em) es den voergh(enoemde)/ wy(n)ne gheleent in sinen income(n) van desen t(er)mine dat hier nae volght Inden/ iersten twee waghene vier ploeghe [twee] eeghden en(de) een slachkerre met allen/ den toebehoerten daer toeho(r)ende voer achtien hollan(sche) gulden(en) twee vrancr(ijcx) crone(n)/ voer drie hollan(sche) gulden(en) gerekent en(de) noch vier merien met allen haren h(ar)nassche/ voer tsestich hol hollan(sche) gulden(en) als voirs(creven) es It(em) noch v merien met allen hae(re)n/ h(ar)nassche voer xl hollan(sche) gulden(en) als voirs(creven) es It(em) noch sesse melc coye twee grote/ berren ene(n) cleynen b(er)re en(de) een calf voer xlii hollan(sche) gulden(en) als voirs(creven) es So(m)me/ van dat hem geleent es te gade(r) hond(er)t tsestich gulden(en) hollan(sche) ii crone(n) vrancr(ijcx)/ voer drie gulden(en) altoes gerekent It(em) es te wetene dat de wy(n)ne voirs(creven) vant in sine(n)/ incomen od achtendertich boend(er) vii groet roeden en(de) sesdalve groet [cort] roede(n) lants/ met wynt(er)corne bezaeyt daer dboend(er) af getaxeert es op vier mudde corens der/ maten voirs(creven) bi alsulker conditien eest dat sake dat mense beter vyndt in sine(n)/ lesten jae(re) dat sal de(n) wy(n)ne voirscr(even) comen en(de) eest dat mense argher vindt dat/ sal de wy(n)ne voirscr(even) m(ijn) he(re) oprichte(n) It(em) sal de wy(n)ne voirscr(even) vier dachmael en(de)/ een half xvi cort roede(n) min en(de) een half boend(er) drieschs gelege(n) ond(er) sp(er)soens bosch/ van s(int) m(er)tens in sine(n) lesten jae(re) bezayen en(de) die vrocht daer af trecke(n) op sine(n) pacht/ It(em) sal de wy(n)ne voirs(creven) den moinchof in sinen lesten jae(re) wel en(de) loflec bezaeyt/ laten gelijc als hiten vant It(em) sal de wy(n)ne voirs(creven) den zom(er)art in sine(n) lesten jae(re)/ laten alsoe hier nae volght te weten es drie boend(er) lants met witten erweten/ en(de) drie boend(er) met grauwen erweten en(de) sesse boend(er) met crocke(n) bezaeyt en(de) eest/ dat den art meerd(er) es dat sal hi met evene(n) en(de) met ghersten bezaeyt laten uutgh(enomen)/ dat hi vande(n) selven arde sal doen graven thien boend(er) lants en(de) die wel en(de) soufficiant/ bezayen met weetzade en(de) laten in sine(n) uutgane elc vande(n) thien boende(re)n weets voirs(creven)/ op de werde van acht mudden evene(n) Ende waet dat sake dat hi min weetzaets/ zaeyde dan thien boend(er) dat gebrec daer af sal hi bezayen met witten erweten/ en(de) met crocke(n) elx eve(n) vele Ende want de wynne voirscr(even) de voergh(eruerde) zom(er)vrocht/ in sine(n) income(n) van sine(n) t(er)mine sond(er) taxeringe ontfinc alsoe sal hise oec laten sond(er)/ taxeringe in sine(n) uutgane uutgenome(n) alsoe vele boend(er) weets als hi vande(n) thien boende(re)n/ voirscr(even) met weede bezaeit sal laten want die getaxeert sijn als voirscr(even) es Ende oec eest
//
[ghevorwerdt dat de wy(n)ne voirscr(even) desen voergh(eruerde) zom(er)art inde(n) leste(n) jae(re) van sine(n) t(er)mine wel en(de) loflec wy(n)nen sal en(de) werve(n) in tide en(de) in sasuyne en(de) die lande met goeden zade sayen en(de) eest dat m(ijn) he(re) genueght soe sal hi selve daer toe moghen doen sien Item sal de wy(n)ne voirscr(even) de brake laten in sine(n) lesten jae(re) met twe voren gheackert en(de) gheeght nae sijnre behoeften in goede(n) tide uutgenome(n) de lande die buten der pechtingen staen dat de wy(n)ne voirscr(even) die alsoe laten sal als sij hem incomen selen te weten es seve(n) boend(er) een dachmael en(de) xxxvi cort roeden lants in vele stucken geleghen bove(n) de groethaghe en(de) gh en(de) sijn ghemeten mett(er) maten van [ned(er)]heyleshem Oec sal hi een boend(er) lands inden selven art te rapen behoef daert m(ijn) he(re) alre best genueghen sal wel en(de) loflec gemest en(de) volwonne(n) laten tte toten zade en(de) oec inde(n) selven art alsoe vele lands te weede laten gegrave(n) en(de) bezaeit als hi vant te wete(n) es seve(n) zillen en(de) xlii cort roede(n) ter helcht bezaeyt te twee lezen [geleze] geleghen benede(n) de groethaghe gemeten mett(er) maten voirscr(even) en(de) vand(er) vorgh(eruerde) broiken daer toe ghemest laten in sine(n) leste(n) jae(re) sesse boend(er) want hi alsoe vele ghemest vant en(de) m(ijns) he(re)n wijng(ar)t in sine(n) lesten jae(re) oec mesten sal als voirscr(even) es want hijt [hine] alsoe ghemest vant It(em) sal de wy(n)ne voirs(creven) de beemde die hi houdend(e) es van m(ijn) he(re) voirscr(even) laten in sine(n) uutgaen gelijc alsoe hise vant in sinen incomen te weten es de beemde gehete(n) de hansche beemde bi ha(m)me gelege(n) onghett [ongheett] ghemaeyt en(de) volhoyt en(de) thoy op den beemt It(em) de torbiere en(de) thozenbroec ghett tot op den vierde(n) dach van julio met ix p(er)de(n) vii coeye en(de) twee veersken(e) It(em) sal de wy(n)ne voirscr(even) den ezelbeemt in sinen lesten]
//
[jae(re) onghett en(de) onghemaeyt laten en(de) wel bevreedt It(em) sal de wy(n)ne voirscr(even) in sinen lesten jae(re) betalen twe knapen en(de) i marte tot den oeghste mar m(ijn) he(re) salse vuede(n) [allen argelist uutgesch(eiden)] Ende alle dese voirs(creven) vorwerde(n) en(de) geloften hebben geloeft de voirs(creven) proefst van svoirs(creven) cloest(er)s weghen in deen side en(de) de wy(n)ne in dande(re) malcande(re)n vaste en(de) gestedich te houde(n) en(de) te voldoen tallen tiden en(de) t(er)mine als sij vallen en(de) verschine(n) selen en(de) telke(n) t(er)mine als vervolghde schout Hier af sijn borghen des voirs(creven) wy(n)nen als p(ri)ncipael sculde(re)n ongesund(er)t en(de) ongesch(eiden) en(de) elc voer al gheert van wynde oem des selfs wy(n)nen woute(r) de wilde van goetsenhove(n) lauwereys en(de) willem van wy(n)de brued(er)s des voirs(creven) wy(n)ne(n) et p(ri)m[(us)] borch(oven) lomb(ar)t m(ar)tii xviii