SAL7711, Act: R°401.1-V°401.1 (113 of 138)
Search Act
previous | next
Act R°401.1-V°401.1  
Act
Date: 1410-04-26

Transcription

2021-04-11 by Marijke Gevaert
Vrouwe katline eveloeghs p(ri)orinne des godshuys vande(n) wittevrouwe(n) binne(n)/
lovene in in jegewordicheide(n) der scepen(en) van lovene gestaen heeft gegeve(n) ende bekent/
dat si gegeve(n) heeft van des selfs godshuys wegen willeme van gottekeem hoe(r)/
gode te guttekeem belege(n) met de(n) huysen hove wynnende lande daer toe hoe(re)nde houdende/
omtrent xvi boende(re) en(de) een dachmale en(de) met eene(n) beemde gelege(n) ter saert en(de)/
met ene(n) cleyne(n) beemdeke(n) gelege(n) ter saert [te gottekeem] bide(n) goeden willems vand(er) fonteyne(n) en(de)/
Te houden te hebben ende te wynne(n) van half m(er)te naest voerledene(n) tot ene(n) t(er)mine van/
twelf ja(r)en lanc deen nae dand(er) daer nae sond(er) middel volghende dats te weten de/
vors(creven) wynnende lande op de helicht vande(n) core(n) en(de) vrucht dat daer jaerlex op wasse(n)/
sal en(de) des sal de vors(creven) wynne de vors(creven) beemde den vors(creven) t(er)mine duerende bynnen hebbe(n)/
Voert sal hebben de vors(creven) wynne noch drie wynnende hove omtrent den vors(creven) hove/
belege(n) den vors(creven) t(er)mine van twelf ja(r)en lanc elx jaers hie(re)n binne(n) op twee mudde/
pacht corens van gottekeem goit en(de) payabel d(er) maten van lovene te sente andries/
misse apostels te betale(n) en(de) te love(n) binne(n) den vors(creven) godshuyse te leve(re)n alle ja(r)e quolib(et)/
ass(ecutu)[m] Met vorwarde(n) dat de vors(creven) wynne tot desen yerste(n) sente andries misse naest/
comende vande(n) vors(creven) uutgenome(n) op dleste ja(r)e dyerste ja(r)e vande(n) vors(creven) t(er)mine soe en sal/
de vors(creven) wynne vande(n) vors(creven) drie wynnende(n) hove(n) gheve(n) pacht gheve(n) Ende toexst als/
dat coren inden bant de vors(creven) wynne sal tvors(creven) [ En(de) de vors(creven) wynne sal des vors(creven) godshuys core(n) inde(n) bant levere(n)] Ende toexst als dat vors(creven) coren inden/
bant es soe sal de vors(creven) wynne des vors(creven) godshuys helicht inde scuere aldaer vuere(n)/
eer hi tsine aldaer vuere(n) s ruere(n) noch vuere(n) sal moege(n) Ende als tvors(creven) godshuys/
aldaer wille doen dersschen soe sal de vors(creven) wynne den dersscher den cost gheve(n)/
en(de) tvors(creven) godshuys die dachu(r)en [en(de) daer voe(r) sal de vors(creven) wynne caf en(de) crintsen van des vors(creven) godshuys helicht behoude(n)] Ende alle tstroe dat vande(n) vors(creven) goede(n) come(n) sal dat sal/
de vors(creven) wynne int vors(creven) hof b(re)ngen en(de) mest daer af maken en(de) dat wed(er) opt vors(creven)/
lant vuere(n) slands meest p(ro)fite en(de) nergens elde(r)s Voert sal de vors(creven) wynne alle/
ja(r)e den vors(creven) t(er)mine duerende int vors(creven) hof leve(re)n iii[c] walms goit en(de) custbair En(de) soe/
wa(n)neer al men die aldaer verdecken doet daer af sal die vors(creven) wynne den deckers/
den cost gheve(n) ende de wynne [tvors(creven) godshuys] de dachue(re)n en(de) des gelijx soe wa(n)neer men aen/
die oude huyse plect daer af sal de vors(creven) wynne den pleckers oec den cost geve(n)/
en(de) tselve godshuys de dachue(re)n Oec sal de vors(creven) wynne de he de vors(creven) godsh(uys)/
helicht vande(n) vors(creven) core(n) jaerlex te love(n) binne(n) den selve(n) godshuyse leve(re)n en(de)/
dan sal de vors(creven) godshuys den vors(creven) wynne of sine(n) bode(n) hoe(re)n cost te love(n) geve(n)/
ende den p(er)den hoye Ende tvors(creven) godshuys sal den vors(creven) wynne(n) jaerlex den/
vors(creven) t(er)mine duerende gheve(n) te hulpe(n) tot d(er) cost inde(n) oexst tcore(n) mede in/
te doen xx pl(acken) Item sal de vors(creven) wynne inde(n) zomer art jaerlex moege(n)/
saeyen een half boend(er) met crucken daer tvors(creven) godshuys gheen recht in hebben/
sal Ende int leste ja(r)e vande(n) vors(creven) t(er)mine sal tvors(creven) godshuys sayers sette(n)/
die tcore(n) dlant besayen selen mer de vors(creven) wynne sal den saet daer toe leve(re)n/
Ende [de] vors(creven) wynne sal de truncbome en(de) de hage(n) aldaer moege(n) houwe(n) en(de)/
de tru(n)cken om de goede daer mede te bevrede(n) en(de) b(er)ringe daer af te make(n)
//
En(de) soe wae(r) enige(n) bome aldaer verdroeghde daer vo die sal de vors(creven) wynne/
hebben en(de) daer voe(r) twee pote(n) vande(n) selve(n) arde sette(n) Ende de vors(creven) wynne/
sal de vors(creven) lande den vors(creven) t(er)mine duerende wynne(n) en(de) w(er)ve(n) wel en(de) loflec/
en(de) die late(n) ten eynde vande(n) vors(creven) t(er)mine gelijc hier nae volght dats te wet(en)/
den wynt(er) art met wynt(er) core(n) besayt op vier core(n) den zom(er) art te wete(n) [es] negh(en)/
dachmale daer af besayt met zom(er) core(n) [om gedaen] op twee vore(n) en(de) dande(re) op een vo(r)e/
ende de brake eens om gedaen Ende alle dese vorw(er)de(n) geloefte(n) en(de) condici(en)/
vors(creven) hebben geloeft de [op?] p vors(creven) p(ri)orinne vande(n) des vors(creven) godsh(uys) wege(n)/
en(de) de wynne deen den ande(re)n vast en(de) gestede te houde(n) en(de) te voldoen/
talle(n) tide(n) als si valle(n) en(de) verschyne(n) zelen en(de) telke(n) t(er)mine als v(er)volghde/
schout (et)c(etera) pynnoc h(enrico) borch(oven) xxvi april(is)
ContributorsMi-Je Van Gils
Moderated byMi-Je Van Gils
Last update: 2017-03-28 by Xavier Delacourt