It(em) jan hobosch in jegenwordicheyde(n) der scepen(en) (et)c(etera) heeft gegeve(n) en(de) bekent (et)c(etera)/ ja(n)ne van willenbringe(n) lakenscheerde(r) ene(n) boegart met sijnre toebehoerte(n)/ beleghe(n) in een bloc buyte(n) d(er) greveporte(n) daer men gheet t(er) elst w(er)t/ op de nuwe vest aldair tusschen de goede sheylichs geest van lovene en(de)/ de goede jan lesens te houden(e) te hebben(e) (et)c(etera) van kerssavont nu naest voe(r)/ leden tot ene(n) t(er)mijn van ses ja(r)en (et)c(etera) elx jaers hie(re)n binne(n) op v guldene/ hollansche van goude (et)c(etera) te wete(n) xxvii pl(acken) voe(r) i gulden hier gherekent/ deen helicht te kerssavont (et) en(de) dand(er) helicht te sente jans misse naest/ comen(de) te betalen alle ja(r)e den vors(creven) t(er)mine (et)c(etera) en(de) elke(n) als v(er)volghde schout/ En(de) es vorwarde soe wes die vors(creven) jan va(n) willenbringe(n) binne(n) den vors(creven) t(er)mine(n)/ inde(n) vors(creven) boegart sette(n) ocht plante(n) sal soe wat dat es dat hi dat wed(er)/ uut sal moeghen doen Oic mach de vors(creven) jan van willenbringe(n) al wart alsoe/ dat daer eneghe(n) boeme hie(re)n binne(n) v(er)droeghe dien uut houwe(n) en(de) daer voe(r)/ sal hi wed(er) ene(n) ande(re)n pote vande(n) selve(n) arde wed(er)sette(n) die daer in sal/ blive(n) moete(n) staen Ende de vors(creven) jan van willenbringe(n) sal oic hie(re)n binne(n)/ alle v(er)droeghde tecke(n) af moeghen houwe(n) tot sine(n) p(ro)fite rogghe grute(re)/ xx[a] julii