Cont sij alle(n) lieden dat henr(ic) van dieve(n) heeft genome(n) (et)c(etera) vande(n) p(ro)viso(r)en en(de)/ mombo(r)en vand(en) taeffelen van sheylichs geests thof d(er) vors(creven) taeffele(n) toebehoe(re)nde/ mette(n) huysen hove(n) ende sinen toebehoerte(n) beleghe(n) te wijchmale en(de) met veertig/ boende(r) ende een half wynmenslants luttel min ende oic met xvii½ xviii boende(r)/ ende [een] half dachmale ond(er) beemde ende eeusele luttel min (et)c(etera) den vors(creven) hove toebehoe(re)nde/ Te houden(e) te hebben(e) (et)c(etera) van half merte dat wesen sal int jaer ons he(re)n/ dusent cccc ende achte [seve(n)] tot ene(n) t(er)mijn van twelf ja(re)n lanc deen nae dande(r)/ staphans (et)c(etera) elx jaers hie(re)n binme(n) tvors(creven) wynmende lant (et)c(etera) om lxx mudde/ rogs d(er) mate(n) van lovene goit (et)c(etera) alsulcs corens alse ald(aer) jaerlex inde(n) arde/ wasse(n) sal met wa(n)ne en(e) met veede(re)n wel (et)c(etera) [En(de) een half mudde erwite(n) te(n) witte d(er) mate(n) van loeve(n)] te sente andries misse apostels/ te betaelne en(de) te love(n) te leve(re)n op den cost des vors(creven) henr(ix) Ende de vors(creven) beemde/ en(de) eeusele [elx jaers] om xxvi pet(er)s d(er) munte(n) van lovene goit (et)c(etera) te sente m(er)tens misse/ inde(n) wynt(er) te betailne alle ja(r)e (et)c(etera) el en(de) elke(n) t(er)mine beyde vande(n) core(n) en(de)/ gelde als v(er)volghde schout Voert sal de vors(creven) wynne de vors(creven) huyse haude(n)/ en(de) verwa(r)en van wande ende van dake wel en(de) loflec in goede(n) state op sine(n)/ cost de(n) vors(creven) t(er)mine durende En(de) alse me(n) dair int hof plecke(n) ocht decke(n)/ doet soe sal de wynne de wercliede(n) vuede(n) en(de) de heyle geest sal de dachue(re)/ gheve(n) Voert soe sal de vors(creven) wynne hie(re)n binne(n) alle de vors(creven) lande wael en(de)/ loflec wynne(n) bedrive(n) meste(n) merghele(n) en(de) besayen gelijc sine(n) regenote(n)/ Ende die late(n) ten eynde vande(n) vors(creven) t(er)mine wail besayt en(de) gewa(n)nen gelijc/ hise in sine(n) income(n) vinde(n) sal dats te wetene derthie(n) [veerthien] boende(r) en(de) lxviii roede(n)/ met wynt(er)core(n) besayt xviii boende(r) iii [een] dachmale en(de) xxxiii roede(n) storte(n)/ en(de) thien boende(r) en(de) lxxxiii roede(n) brake Oic sal de vors(creven) wynne de vors(creven)/ eeusele ende beemde wail en(de) loflec begrechte(n) grave(n) ryolen en(de) bevrede(n)/ ten beste(n) orbe(r) en(de) p(ro)fijt d(er) vors(creven) goede ende die alsoe late(n) ten eynde vande(n)/ vors(creven) t(er)mine Voert sal de vors(creven) wynne de truncbone te gewoenleke(n)/ tide truncke(n) t(er) minst(er) scade(n) om die goede mede te bevrede(n) Ite(m) sal/ de vors(creven) wynne alle ja(r)e sine(n) t(er)mine dueren(de) op de vors(creven) goede sette(n) c pote(n)
//
It(em) en(de) sal de vors(creven) wynne binne(n) den vors(creven) t(er)mine gheen core(n) staende/ocht op de goede [opt velt] d(er) vors(creven) taeffelen moeghe(n) vercopen Ende allet stroe/ ende voesteringe comen vande(n) vors(creven) goede(n) comende dat sal de vors(creven)/ wynne int vors(creven) hof ette(n) ende slite(n) ende mest daer af make(n) Ende dat/ weder op tvors(creven) lant vuere(n) ende nerghens elde(r) Hier af sijn/ borghen des vors(creven) henr(ix) van dieve(n) als p(ri)ncipale sculde(re)n ongesund(er)t/ en(de) ongesceeden en(de) elc voiral jan van gheele van wezemale jan vande(n)/ panhuyse van rotselair joes van pantgate van rotselair gheert van/ bredezijp van wijchmale en(de) jan putix putma(n) van rotselair quos ide(m)/ henr(icus) de dyeve(n) henr(icus) (et) wil(he)l(mu)s eius filii p(ri)us ema(ncipa)[ti] indempnabu(n)t (et)c(etera)/ kersmake(re) rogge ix novembr(is)