It(em) jan de hollande(re) in jegewordich(eit) der scepen(en) van lovene gestaen heeft gegeve(n)/ ende bekent dat hi gegeve(n) heeft gielise fobelet wijngarde(r) een stuck wijngarts/ gelijc alst belege(n) es op de buyte(n) vest van lovene tusschen de wijngarde mathijs/ vanden bossche ende willems wilen pynnoc Te houden en(de) te hebben van nu sente/ remeys misse naest comende tot ene(n) t(er)mine van vijf ja(r)en lanc deen nae dand(er)/ staphans volghende elx jaers hie(re)n binne(n) op den he(re)n co(m)mer en(de) last dair vour uut/ gaende en(de) voert aen op terdedeel vande(n) druven die daer jaerlex op wassen sal/ Met vorwarde(n) dat soe wa(n)neer de druve(n) op den vors(creven) wijngart wassende rijp selen/ sijn datse dan de vors(creven) gielijs af sal doen lesen ende die geheelec doen b(re)nghen binne(n)/ love(n) in willems p(er)sse van kiexsam en(de) dat en(de) die aldaer sijnde soe sal hijt den vors(creven)/ ja(n)ne te wete(n) doen en(de) dan selen si om hem daer bi te come(n) en(de) die [en(de)] sijn derdeel daer af/ te deylen Oec es vorw(ar)de dat de vors(creven) gielijs den vors(creven) wijngart wel en(de) loflec/ sine(n) t(er)mine duerende [tydichlec] werke(n) sal van alle werck gelijc sijn reengenote(n) bove(n) en(de) benede(n)/ En(de)