Cond si allen liede(n) want stoet en(de) tebat opv(er)staen was en(de) es tusschen katlinen/ bruyninx op deen side en(de) pete(re)n zalige op hoe(r) dand(er) side van hoere beyder/ erve(n) daer af der vors(creven) katline(n) erve belegen es inde hevelst(ra)te en(de) des selfs/ pet(er)s erve op de marct te loven dwelc erve(n) [vors(creven) van te same(n) en comen] acht(er) te gade(r) vergaderende/sijn van alsulken wateren als vander vorscr(even) katline(n) erve vallende en(de) comende/sijn daer af beyde de vorscr(even) p(ar)tyen comen sijn voir schepen(en) van loven en(de) sijn/ des bleven en(de) hebben hen des gekeert en(de) geco(m)p(ro)mitteerte inder stat [van loeven] geswoe(re)n/ meest(er)s en(de) wercliede gelovende vast en(de) gestede te houden soe wes die vors(creven)/ meest(er)s daer af seggen en(de) t(er)minere(n) selen Soe dat [sijn] die vorscr(even) geswoe(re)n meest(er)s/ comen sijn voe(r) schepen(en) van loven ten yersten de gelegenheit van beyde den vorscr(even)/ erve(n) wail ov(er)sien hebbende met goeden ripen raede en(de) hebben geseeght hoe(r) [seggende]/ op hoe(r) besceidenheit [hoe(r) seggen en(de) eendrechticheit] ind(er) maniere(n) als hier nae volght Inden yersten dat alle/ hemelwate(r) comende ende vallende van boven [vallende] acht(er) vanden huysen ende erve(n)/ der vorscr(even) katlinen sinen loep en(de) ganc hebben en(de) voertaen behouden sal doere/ een gat onder een muerken staende tusschen de huyse der vorscr(even) katline(n) en(de)/ pet(er)s gelijc dat muerken aldaer nu steet en(de) alsoe voert gaen en(de) lopen ov(er) des/ vorscr(even) pet(er)s erve nederw(er)t ter marct toe Voert es hoe(r) seggen vande(n) huyse/ der vorscr(even) katline(n) bruyninx vand(er) siden neven derve des vors(creven) pet(er)s dat/ de selve katline voertaen alle dwat(er) comende van boven op half tvors(creven) huys/ ten erve w(er)t des vors(creven) pet(er)s leyden sal vorw(er)t ter straten [w(er)t] doere alsulken/ loeten goete als daer nu boven opt dat leeg op der selv(er) katline(n) dat leeght/ tot neder inde steynen goete liggende aldaer nu neder ter erden [voert] neve(n)/ ande(r) helicht vand(en) vors(creven) katline(n) huys tusschen de muere des vors(creven) pet(er)s/ en(de) thuys der selv(er) katline(n) Ende des gelijx sal [alle] dande(r) wate(r) comende en(de)/ vallende voert vand(er) ande(r) helicht vand(er) selv(er) katline(n) huyse ten erve en(de) t(er)/ siden waert des vorscr(even) pet(er)s oec vallen moete(n) inde vors(creven) steynen
//
goete liggende aldaer nu ter erde(n) ende alsoe al sine(n) loepe voert hebbe(n)/ acht(er) thuys jans van rode voir uut tot inde hemelstrate hevelstrate tusschen/ de huyse des vors(creven) jans van rode en(de) henr(ix) beertrams Item noch es hoe(r) seggen/ dat de vorscr(even) katline gheen recht hebben en sal ter siden ten erve waert des vors(creven)/ pet(er)s buyten der mueren daer die vorscr(even) goete op leeght alsoe v(er)re als hoe(r)/ die goete nu aldaer strel streckende es noch des gelijx voert buyten der steyne(n)/ goeten liggende ter erden ten mure w(er)t des vors(creven) pet(er)s vorde(r) dan [tot] aen die vors(creven)/ nuwe muere aldaer nu staende Noch des gelijx en sal die vors(creven) pet(er) gheen/ recht hebben buyten sijnre vorscr(even) mueren nu aldaer staende ter goeten waert/ der vors(creven) katline(n) liggende ter erden tussche(n) hoe(r) vors(creven) beyd(er) erve [alle argelisst hier in uutgesceide(n)] Hier ov(er) wa(r)en/ wout(er) pynnoc (et) raes van grave(n) scepen(en) van lovene Gegeve(n) int jair ons/ he(re)n dusent vierhond(er)t ende elve ses dage in meye