It(em) sanders ts(er)vranx in jegenwordich(eit) der scepen(en) van loeve(n)/ gestaen heeft gegeve(n) en(de) bekent dat hi gegeve(n) heeft claese/ vande(n) trille sone gheerts wile(n) vande(n) trille van sente stevens/ woluwe de goede des vors(creven) sanders gelege(n) op hondsb(er)ghe inde/ p(ro)chie(n) van vosheem en(de) van leefdale gelege(n) mette(n) huysen hove(n)/ wy(n)nende lande beemde(n) en(de) eeusele(n) daer toe hoe(re)nde uutgenome(n)/ de porte mette(n) huyse daer neve(n) staende [en(de) mette(n) dofhuyse] en(de) uutgenome(n) dwinnende/ lant vande(n) wittevrouwe(n) hove dwelc de vors(creven) sanders behouden/ sal tot sine(n) p(ro)fite Te houden te hebben en(de) te wynne(n) van half m(er)te/ naest comende tot ene(n) t(er)mine van neghe(n) jae(re)n lanc deen na dande(re)/ staphans volghende dats te weten de wy(n)nende lande alle ja(r)e/ den vors(creven) t(er)mine duerende op xxx xxix mudde rox en(de) een/ mudde taruwe(n) beyts corens got en(de) payabel met wa(n)ne en(de) met/ vedere(n) wael bereit en(de) oec op een halst(er) erwiten al der maten/ van loeve(n) te sente andris messe apostels te betalen en(de) te loeven te/ leve(re)n alle ja(r)e de(n) vors(creven) t(er)mine dueren(de) en(de) telke(n) t(er)mine als v(er)volghde/ scout Oec sal de vors(creven) wynne vande(n) beemde(n) eeusele(n) en(de) van twee [drie]/ bloke(n) aldaer jaerlex geve(n) elf holl(antse) gulden(en) te weten xxxii dertich/ placke(n) payments voe(r) ene(n) hollants gulden(en) gerekent te sente mertens/ misse te betale(n) alle ja(r)e den vors(creven) t(er)mine duerende en(de) telke(n) t(er)mine als/ v(er)volghde scout Ite(m) sal de vors(creven) wynne den vors(creven) sanders jaerlex/ den vors(creven) t(er)mine duerende drie varde? diene(n) van vosheem te loeve(n)/ met sine(n) waghe(n) en(de) p(er)den En(de) alle doeft dat daer wasse(n) sal dat/ suelen de vors(creven) [sanders en(de)] wynne half en(de) half deylen en(de) hebbe(n) en(de) op hoe(r) beyd(er)/ cost ter erde(n) leve(re)n [en(de) de vors(creven) wynne sal des vors(creven) sanders helicht jaerlex te loeve(n) leve(re)n] Oec sal de vorscr(even) wynne jaerlex int vorscr(even)/ hof leve(re)n lx mandele(n) walme(re)n [goet en(de) custbair] om de huysinge daer mede te/ decke(n) en(de) als men die aldaer v(er)decke(n) [en(de) v(er)plecken] sal daer af sal de vors(creven) wynne/ den wercliede(n) den cost gheve(n) en(de) sande(r)s de dachue(re)n Oec sal de/ vors(creven) wynne den vors(creven) sanders halen altijt als te doen wese(n) sal alle/ latten [en(de)] leeme die men aen de huysinge aldaer behoeve(n) sal te verwerke(n)/ Ite(m) sal de vors(creven) wynne den vors(creven) sanders jaerlex erve(n) en(de) wynne(n)/ den vors(creven) wittevrouwe(n) beh hof en(de) dien bynne(n) den vors(creven) t(er)mine twee/ wef ov(er)meste(n) En(de) alle tgoet [stroe dat] vande(n) vors(creven) goede(n) come(n) sal daer af sal/ En(de) alsoe v(er)re als des vors(creven) wynne(n) beesten die wanden breken suele(n)/ die sail de vors(creven) wynne op sine(n) cost wed(er) doen maken
//
It(em) d(ict)us henr(ick) de vors(creven) wynne mest make(n) en(de) dat wed(er) op/ tvors(creven) lant vuere(n) slands meesten p(ro)fite en(de) nergens elde(r) (etc)/ Voert sal de vors(creven) wynne den vors(creven) sanders jaerlex wynte(re)n/ een coe die hem sanders leve(re)n sal Ite(m) sal de selve wynne int/ vors(creven) hof laten gaen sond(er) sine(n) cost den vors(creven) t(er)mine duerende twee/ verkene die den vors(creven) sanders toebehoe(re)n suele(n) en(de) gevielt alsoe/ dat de vors(creven) wynne ene(n) zweend(er) hielde dan suele(n) die vors(creven) verken(en)/ met des vors(creven) wynne(n) verken gaen En(de) de vors(creven) wynne sal de/ vors(creven) lande wynne(n) en(de) w(er)ve(n) wel en(de) loflic gelijc den sine(n) reengenote(n)/[bove(n) hier en(de) benede(n)] en(de) die laten ten eynde vande(n) vors(creven) t(er)mine gelijc hier na volght/ dats te wete(n) den wynt(er) art houdende elf boende(r) en(de) of daer/ omtrent ses dachmaele daer af met taruwe(n) besayt en(de) dande(r)/ met rogge besayt en(de) al met op vier tideghe voren en(de) den zom(er)art/ en(de) de brake eens gheerijt en(de) alle dmest te half [m(er)te] als de t(er)mine/ v(er)gaen sal dat ge dan gemaect sal sijn sal die vorscr(even) wynne op/ dlant moete(n) vuere(n) soe dat hi de messie en(de) de stalle ydel laten sal/ Oec sal de vors(creven) wynne de wynnende bloeke die eeusele(n) en(de) de/ boegarde(n) vande(n) vors(creven) goeden wel en(de) loflec beheymt en(de) bevreet/ laten [ten eynde vande(n) vors(creven) t(er)mine] En(de) de vorscr(even) wynne sal de haghe(n) en(de) truncboeme aldaer/ moeghen houwe(n) en(de) trucken te behoerliken tiden om(me) sijn b(er)ringe daer/ af te maken En(de) alle verdroeghde boeme die daer bynne(n) den vors(creven) t(er)mine/ vallen suele(n) die sal die vors(creven) t(er)mine hebbe(n) en(de) voe(r) elke(n) twee poten/ vande(n) selve(n) arde wed(er) setten Oec sal de vors(creven) wynne ten eynde/ vande(n) vors(creven) t(er)mine int vors(creven) goet laten xxv [wanne] caefs en(de) seve(n) mandele(n)/ stroes [[Oec es vorwu(r)de] soe wae(r) die vors(creven) sand(er)s [int vorscr(even) hof] bynne(n) den vors(creven) t(er)mine enige(n) scade name van viere dat toequame van viere in ocsuyne des vors(creven) wynne(n) dat de selve wynne hem daer af rastoe(r) doen sal] En(de) alle dese vorwarde(n) heeft geloeft de vors(creven) wynne/ vast en(de) gestede te houde(n) en(de) te voldoen talle(n) tiden als die valle(n)/ suele(n) en(de) telke(n) t(er)mine als v(er)volghde scout En(de) / sw(ert)vege(re) muylke aug(ustus) iii [a]