It(em) jan voelken teenenpotgiete(r) in jegenwordicheiden der scepen(en) van loeven [gestaen] heeft/ gewillecoert en(de) geconsenteert openbaerlic voir hem sijn erfgename(n) en(de) nacomelinge(n)/ henrike colve [sijn erfgename(n) en(de) nacomelinge(n)] alse vande(n) huyse des selfs henrix gelegen ald(aer) naest den huyse/ des vorscr(even) jan voelkens dat de voerg(enoemde) henric enen balc sal moegen leggen(e) bove(n)/ op de dwerse muere staende voe(r) tusschen huerre beyd(er) erve aen den tusschen/ huerre beyd(er) erve aen den scoersteen des vorscr(even) jans benede(n) sond(er) den vorsc(reven) balc/bynne(n) des vors(creven) jans huys yegerinx uut te comen [op] op welken balc de vorg(enoemde)/ henric sijn vors(creven) huys recht op sal moegen ty(m)meren te hemelw(er)t neve(n)/ thuys des des vors(creven) jans met platte(n) stylen alsoe hoeghe alst hem genueght/ tot in middeweghen toe der d toe der d and(e)re venste(re)n staende int huys/ des vors(creven) [selfs] jans t(er) siden wart des vors(creven) henrix en(de) niet vorde(r) acht(er)w(er)t Oec/ sal de vors(creven) henric alsulken wat(er)steen als nu acht(er) steet in sijn cokene/ inder plat ter erden leggen en(de) niet hoeg(er) en(de) dien alsoe ter erden houde(n)/ liggende met eenre traelgie(n) daer dwat(er) doe(r) sal loepen ten erve wart/ des vors(creven) henrix jans en(de) dat wat(er) daer uut comende sal loepen voert/ doere en(de) ov(er) des vors(creven) jans erve acht(er) uut [En(de) dwat(er) dat come(n) sal en(de) vallen sal vo acht(er) vande(n) nuwenhuyse dat henr(ic) aldaer sal doen maken dat sal de selve henr(ic) doen afleyden alsoe dat des vors(creven) jans daer [den erve des vors(creven) jans d(aer)] bi en gheen sa scade en gesciede] sonder argelist gelijc beyde/ dese erve(n) gelege(n) sijn in de cortst(ra)te tussche(n) thuys gehete(n) dmolen ijser/ en(de) thuys gehete(n) den nachtegale gheerts willem(air) aug(usti) xix[a]