Cont si alle(n) lude(n) dat jorijs van velpe(n) sone h(ere)n gheerts wile(n) va(n) velpe(n)/ ridde(r) in jegenwoirdicheide(n) der scepen(en) van loeve(n) gestain heeft [gegeve(n) en(de)] be/ kindt dat hi ghegeve(n) heeft ja(n)ne van nederheem sine(n) zwag(er) de/ goede van velpen den voirs(creven) jor(ise) toebehoeren(de) in huse(n) hove(n) in wy(n)nende/ lande met eene(n) droge(n) eeusele en(de) met ene(n) beemde dair toe hoe(re)nde gelege(n)/ acht(er) tcloest(er) te rotheem houden(de) een bond(er) ocht dairo(m)trint gehete(n) den/ middelstenbeemdt Te houden ende te hebbe(n) [en(de) te wy(n)ne(n)] van half [m(er)te] naest toecome(n)de/ eene(n) t(er)mine va(n) sesse jare(n) lanc deen na dand(er) stapha(n)s sond(er) middel/ volgende dats te wete(n) de wy(n)nende lande alle ja(r)e [den vors(creven) t(er)mine dueren(de)] om xxx mudde/ rogge(n) [gehete(n) pacht van hale(n)] goit en(de) paiabel met wa(n)ne en(de) met vedere(n) wail bereit der/ mate(n) van diest alle ja(r)e te [te] s(in)te andries misse apostels te betale(n) en(de) int/voirs(creven) ocht bynne(n) eenre halv(en) mille(n) en(de) bynne(n) diest ocht binne(n) hale(n)/ te lev(er)en [daert den vors(creven) jorise best genuege(n) sal] alle ja(r)e de(n) voirs(creven) t(er)mine dueren(de) en(de) telke(n) t(er)mine alse ver/ volghde schout Voirt sal de voirs(creven) jan van ned(er)heem gheve(n) alle ja(r)e/ den voirs(creven) t(er)mijn duere(n)de den voirs(creven) jorise vande(n) voirs(creven) eeusele en(de)/ beemde xxv holl(ansch) gulde(n) elke(n) gul(den) gerek(en)t voir [dats te wete(n)] xxxiii pl(acken) paym(ent)s te [voe(r) ene(n) gulden gerek(ent)]/ sinte m(er)tens misse inde(n) wint(er) te betale(n) alle ja(r)e den voirs(creven) t(er)mijn dueren(de)/ en(de) telke(n) t(er)mine alse vervolghde schout It(em) es vorwerde dat de voirs(creven)/ jan int voirs(creven) hof alle ja(r)e de vors(creven) t(er)mine dueren(de) leve(re)n sal c [mandele(n)] walm(er)en [goit en(de) custba(er)]/ om die husinghe d(aer)mede te decke(n) en(de) so wa(n)neer men [die] aldair dect ocht plect/ so sal de voirs(creven) jan d(aer) af betale(n) de(n) dachuere(n) en(de) jorijs geve(n) de(n) werclude(n)/ den cost en(de) de voirs(creven) jorijs de dachuere(n) sonder van het en wa(r)e dat me(n)/ int voirs(creven) hof wrachte van enege(n) nuwer ty(m)meringe(n) ocht ande(re)n nuwe(n)/ w(er)ke dair af en soude de voirs(creven) jan ghene(n) cost gheve(n) m(er) w(er)t oec dat/ int voirs(creven) hof m(en) een dach ocht ii [en(de) niet meer] bynne(n) de(n) jare gebrake te werke(n) dat/ soude de voirs(creven) jan alle ja(r)e de(n) voirs(creven) t(er)mijn dueren(de) doin doin op sine(n)/ cost en(de) dachuere(n) It(em) es vorw(er)de dat de voirs(creven) jan [de(n) v] alle jare den voirs(creven)/t(er)m(ij)n duren(de) leene(n) sal den voirs(creven) jorijse [leene(n) sal] een kerre met ene(n) perde/ viii daghe bynne(n) de jareom die te orbe(re)n tot der mole(n) [elx jairs de(n) vors(creven) t(er)mijn duer(ende)] Ite(m) es vorw(er)de/ dat de voirs(creven) jan alle ja(r)e den voirs(creven) t(er)mijn duerende sal moge(n) sijn beringe/ neme(n) en(de) make(n) [te behoirleke(n) tide(n)] aen alle die truyceyke(n) die opt voirs(creven) goet staen It(em)/ es voirw(er)de dat de voirs(creven) jan alle ja(r)e de(n) vors(creven) t(er)mij(n) dueren(de) sal moete(n) te volle(n)/ m(er)gele(n) een sille lants It(em) es vorwarde dat de voirs(creven) jan sal moge(n) jage(n)
//
op des voirs(creven) jorijs warande ald(aer) gelege(n) en(de) patrizeere(n) en(de) oec vissche(n)/ op alle sijn wate(re)n aldair gelege(n) alle jare(n) de voirs(creven) t(er)mij(n) dueren(de)/ It(em) es ond(er)spreke(n) dat de voirs(creven) jan hebbe(n) ende houde(n) sal alle ja(r)e/ de voirs(creven) t(er)mij(n) dueren(de) alle dat oeft dat wasse(n) [sal] alle ja(r)e bynne(n) den/ voirs(creven) hove It(em) sal de voirs(creven) jan [alle ja(r)e de(n) vors(creven) (etcetera)] tvoirs(creven) lant meste(n) [wynne(n) en(de) w(er)ve(n)] wail ende orberlic/ gelijc sine(n) reengenote(n) bove(n) en(de) benede(n) It(em) sal de voirs(creven) jan de voirs(creven)/lande alle jare de(n) voirs(creven) t(er)mij(n) dueren(de) wynne(n) en(de) w(er)ve(n) wel en(de) loflic gelijc/[sine(n) reengenote(n) bove(n) en(de) benede(n)] ende die late(n) te(n) ynde vande(n) voirs(creven) t(er)mine gelijc hi die vant tot/ sine(n) income(n) Ende alle dese vorw(er)de(n) (etcetera) pynnoc hertshals oct(obris)/ viii