Cond si allen liede dat jan van erenboudigheem in jegenwordicheide(n)/ der scepen(en) van loeven gestaen heeft gegeve(n) en(de) bekent dat hi gegeve(n) heeft/ willeme van erenboudigheem sone jans wilen van erenboudigheem en(de)/ katlinen sine(n) wive de goede des selfs jans van erenboudigheem gelege(n)/ te bijnswijc inde p(ro)chie van rotselair en(de) van he(re)nt mette(n) huysen hove(n) boe/ garde(n) wy(n)nende(n) landen beemde(n) eeuselen daer toehoe(re)nde en(de) mette(n) boegarde/ die de selve jan jege(n) meest(er) gielise vand(er) stoct v(er)crege(n) heeft uutgenome(n) de/[goede hier na bescreve(n) inde(n) yersten] drie vierdeel lants beemts gelege(n) op versarenvelt tussche(n) de goede jans/ storrs en(de) de goede der kijnde(re) boens Ite(m) een beemdeken gelegen aen dyle/ velt ald(er) naest den goeden arnt boens die vors(creven) jan alleen voer uut/ en(de) alleen behouden sal Te houden te hebben en(de) te wynne(n) van half/ m(er)te dat wesen sal int jair ons he(re)n dusent vierhondert en(de) vijfthien/ tot ene(n) t(er)mine van neghen jae(re)n lanc deen na dande(r) daer na staphans/ en(de) sond(er) middel volghende dats te weten de wy(n)nende lande elx/ jaers hie(re)n bynne(n) op tweentwintich en(de) mudde en(de) een half rox/ der maten van loeven goit en(de) payabel met wa(n)ne en(de) met vedere(n)/ wael bereit te sente andries misse apostels [vallende] te betalen [en(de) ke ke tot ons(er) vrouwe(n) liechtmisse daer naest volghende vol betaelt te sine] en(de) te loeven/ te leve(re)n alle ja(r)e den vorscr(even) t(er)mine dueren(de) en(de) telken t(er)mine als/ v(er)volghde scout Voert sele(n) de vorscr(even) wynne [huyssche] vande(n) beemden en(de) eeusele(n)/ aldaer jaerlex den vorscr(even) t(er)mine duerende gheve(n) den vors(creven) janne/ vijfendertich hollansche gulden van goude goit en(de) gheve of de werde/ daer af in ande(re)n goiden gelde te betalen dats te weten vijfentwintich/ gulden daer af tot onser vrouwe(n) liechtmisse en(de) dande(r) thien de gulden/ daer af tot sente jans misse alle ja(r)e den vorscr(even) t(er)mine dueren(de)/ en(de) telken t(er)mine als v(er)volghde Op alsoe dat de vorscr(even) willem en(de)/ katline sijn wijf bynne(n) den vorscr(even) t(er)mine neghen geheel pacht gheve(n)/ suele(n) en(de) niet meer Oec suele(n) de vors(creven) willem en(de) katline sijn wijf/ jaerlex den vors(creven) t(er)mine dueren(de) den vorscr(even) [ja(n)ne] gheve(n) twee capuyne/ te kersmisse te betale(n) alle ja(r)e hier en bynne(n) en(de) telke(n) t(er)mine als/ v(er)volghde scout En(de) de vorscr(even) willeme en(de) katline sijn wijs suelen/ die huysinge aldaer vand(er) nederst(en) rykelen nederw(er)t houden van/ wande(n) en(de) van plecke(n) Oec suelen de voerg(enoemde) willem en(de) katline/ jaerlex hie(re)n bynne(n) int vorscr(even) hof leve(re)n viertich mandele(n) walme(re)n goit
//
en(de) custbair om die huysinge daer mede te decken en(de) als men die aldaer/ verdecke(n) sal soe suelen die vorscr(even) willem en(de) katline sijn wijf den wercliede(n)/ den cost gheve(n) en(de) jan de dachuere(n) En(de) alle de duyven die opt duyfhuys/ aldaer jaerlex den t(er)mine vors(creven) duerende sijn suelen die suelen die vorscr(even)/ jan [en(de)] willem en(de) katline sijn wijf half en(de) half hebben en(de) alle dmest dat/ aldaer [op duyfhuys] jaerlex vallen sal dat suelen de vorscr(even) willem en(de) katline sijn wijf/ hebben en(de) behouden en(de) daer voe(r) suelen si de duyven aldaer jaerlex voede(re)n/ als des te doen wesen sal En(de) alle doeft dat aldaer jaexle jaerlex wasse(n)/ sal dat suele(n) de vors(creven) jan en(de) willem en(de) katline sijn wijf half en(de) half/ deylen en(de) hebben en(de) op hoe(re)n gemeyne(n) cost gelijc ter erden leve(re)n en(de) de/ voerg(enoemde) willem en(de) katline sijn wijf suelen den vors(creven) ja(n)ne sijn helicht vande(n)/ vors(creven) oeft te loeven leve(re)n Item es vorwarde dat de vorg(enoemde) willem en(de)/ katline sijn wijf inde leste drie ja(r)e vande(n) vorscr(even) t(er)mine op elc boende(r) lants/ dat me(n) met wint(er)coren besaye(n) sal op [in] de brake daer te vore(n) lege(n) leggen/ en(de) voeren suelen en(de) ov(er)mesten met twij twintich scatvoerde(n) mests/ gelijc als darde vande(n) lande gedragen suelen sond(er) die te v(er)ande(re)n Oec/ en suelen de vorscr(even) willem en(de) katline sijn wijf op de vorscr(even) leste drie/ jae(r)e gheen lant moeghen hoervrochte(n) Ende de vorg(enoemde) willem en(de) katline/ sijn wijf suelen de vorscr(even) lande wynne(n) en(de) w(er)ven wel en(de) loflic en(de) die/ laten ten eynde vande(n) vorscr(even) t(er)mine gelijc sise vijnde(n) sal tot sine(n) [hoe(re)n] income(n)/ dats te weten twee boende(r) lants gelege(n) op dlangroc besayt met wynt(er)core(n)/op sijn tideghe vore(n) Ite(m) noch een dachmael lants gelege(n) op de vrede/ brake Ite(m) een boende(r) en(de) thien roeden lants gelege(n) op de boudenshove/ Ite(m) een half dachmael lants gelege(n) met [op] ganspoel(der) velt al met/ wynt(er)core(n) besayt op sijn tideghe voren En(de) neghene seventhien dachmae(l)/ en(de) een half lants ter storte(n) en(de) dande(r) lant geheel Oec es vorwarde/ dat de vorscr(even) willem en(de) katline sijn wijf gheen beemde noch eeusele(n) den/ vors(creven) t(er)mine dueren(de) en suele(n) moeghe(n) breken Ite(m) suele(n) de vorscr(even) willem/ en(de) katline sijn wijf den voerg(enoemde) janne jaerlex den vorscr(even) t(er)mine dueren(de)/ van bijnswijc tot aen den kesselb(er)ch vueren en(de) leve(re)n tweedusent wijng(art)/ staken Oec suelen de selve willem en(de) katline sijn wijf den vorscr(even) ja(n)ne/ jaerlex den vorscr(even) t(er)mine dueren(de) te loeven brenge(n) en(de) vuere(n) de wijn/ die jaerlex wassen sal op een half dachmael wijngarts gelege(n)
//
op den kessele oec selen de selve willem en(de) dies gelijx de wijngart/ reene(n) den en(de) voert den ande(re)n afvalle aldaer En(de) daer voe(r) suelen/ de voerg(enoemde) willem en(de) katline sijn wijf jaerlex behoude(n) en(de) hebben den/ loke [en(de) den afvalle] die vande(n) vorscr(even) nuwe(n) staken [en(de) voertaen van alle den anders staken] aldaer is come(n) en(de) vallen sal Voert/ suele(n) de vorscr(even) willem en(de) katline sijn wijfvr op de vorscr(even) goede alsoe/ vele loex moege(n) neme(n) t(er) minst(er) scade(n) als hen bederve(n) sal om de vorscr(even)/ goede mede te bevrede(n) Noch suele(n) de vorscr(even) willem en(de) katline/ sijn wijf jaerlex den vorscr(even) t(er)mine dueren(de) le den vorscr(even) janne leve(re)n/ te paessche(n) drie kasen En(de) in dleste ja(r)e vande(n) vors(creven) t(er)mine suele(n)/ de vorscr(even) willem en(de) katline sijn wijf den vors(creven) ja(n)ne leve(re)n in des/ vors(creven) willems messie drieentwintich [dertich] scatvoede(r) mests en(de) alsoe vele/ mests sal de vorg(enoemde) jan den vors(creven) willeme en(de) kaltine(n) sine(n) wive/ ten ingaen vande(n) vors(creven) t(er)mine leve(re)n En(de) alle de vorwarde(n)/ geloefte(n) en(de) condicie(n) vors(creven) hebbe(n) geloeft (et)c(etera) rike boxh(oren)/ capellema(n) julii