Het viele dat de meye(r) van loeven inde banc voe(r) scepen(en) van/ loeven op den dach van heden aensprac janne van erenboudigheem/ die men heet van rode natuerlic sone jans v gielijs van eren/ boudigheem die men heet van rode seggende dat hi op tiden/ voerleden daer bi was te libbeke in henrix papen hof te scoenenb(er)ghe/ daer een willeken smeyers van live ter doet bracht ene(n) ja(n)ne/ vande(n) berghe en(de) dat de vorscr(even) jan daer aen mede handadich/ was en(de) den vorscr(even) ja(n)ne vanden berghe in sine(n) arm hadde/ daer hi doet bleef en(de) dat de vorscr(even) jan van erenboudigheem/ daer om een doetslaghe(r) wa(r)e en(de) es en(de) dat hi daer aen sijn/ lijf en(de) sijn goet verboert hadde seggende de vors(creven) meyer/ woude de vors(creven) jan van erenboudigheem dat ke(n)nen soe kende/ hi dat waer wa(r)e en(de) soe wae(r) hi des niet ke(n)nen en woude/ soe boedt hi dat te thoene(n) en(de) mette(n) minsten [mette(n) ghene(n) die daer bi wae(re)n] Daer op de/ vors(creven) jan van erenboudigheem hem v(er)antwordde dat hi der/ vorscr(even) tichten en(de) aenspraken die de meye(r) tot hem wart gedaen/ hadde onsculdich wa(r)e en(de) dat hi den vors(creven) ja(n)ne vande(n) berghe/ op den dach dat hi van live ter doet bracht nye en mesdede/ en(de) dat hi hem alsoe lief lieve gedaen als sine(n) eygene(n)/ brueder biedende voir al de vors(creven) jan van erenboudigheem/voir al eet en(de) onschout mer de waerheit liet hi gaen daer/ die sculdich was te gaen Op dwelc de meye(r) van loeven(e)/ de scepen(en) van loeven maendde die den vorscr(even) meye(r) tot/ sine(n) bethoen wijsden alsoe dat hi alrehande getuyghen/ daer op dede verhoe(re)n de verhoert wesende maendde de/ meye(r) de scepen(en) van loeven(e) wes mette(n) rechte sijn soude/ alsoe dat de scepen(en) van loeven wijsden voe(r) een vo(n)niss/ dat na aensprake en(de) na v(er)antworde(n) en(de) na als dats/ voe(r) hen come(n) was dat de vors(creven) jan van erenboudigheem/ quijt en(de) ongehouden sijn sal van alsulk(er) aenspraken als/ de meye(r) van loeven tot hem wart gedaen hadde/ Cor(am) lud(ovico) pynnoc henr(ico) boxho(r)en [de borch(oven)] egidio rike jo hub(er)to/ de b(er)theem (et) joh(ann)e herthals a(n)no xiiii[c] xiii julii xix