It(em) want [stoet en(de) tebat opv(er)staen was tussche(n)] [gielise] gielijs vande(n) mechelen schrijnmake(r) [en(de)] in tiden voerleden/in recht comen(n) es jeghen janne gheylinc vande(n) ne(n) weg/ weeghe(n) die de vors(creven) gielijs meynde dat hi hadde acht(er) van/ sine(n) huysinghe gelege(n) inde p(re)dikerst(ra)te tot inde steenst(ra)te/die [welc] welken wechge jan geylinc vors(creven) den vors(creven) gielise niet/ ke(n)nen en woude mids den welken si in beyden siden int/ recht voe(r) meye(r) en(de) scepen(en) van loeve(n) doen quame(n) alsoe/ dat de scepen(en) van loeve(n) doen wijsden na aensprake en(de)/ na v(er)antworden dat op beyden siden op den vors(creven) [weeghe] wech/ gedaen want dat de vorscr(even) gielijs gheen recht inde(n)/ vorscr(even) wech [hebben] hebb behouden en soude alsoe v(er)re als noch/ voe(r) hen come(n) wae(re) welken wech en(de) om dat arnt/ de custe(r) dese(n) vorscr(even) [weeghe] wech den vorscr(even) gielise v(er)cocht/ hadde soe qua(m) de vors(creven) gielijs wed(er) int recht en(de) sprac/ aen de vors(creven) arnde den custe(r) bege(re)nde de vorscr(even) weghe/ opgericht te hebben na inspreke sijnre scepen(en) brieve/ van loeven want hi dien mette(n) recht v(er)lore(n) hadde/ alsoe dat de scepen(en) doen wijsde(n) dat de vorscr(even) arnt/ de custe(r) den vorscr(even) gielise vande(n) vorscr(even) weghe v(er)nuegt
//
soude na taxacie vand(er) stat geswoe(re)n [meest(er)s en(de)] wercliede soe dat/[behoudelic den goede(n) vo(n)nisse dat daer voe(r) op gewijst was] de vors(creven) geswoe(re)n meest(er)s en(de) wercliede gegae(n) sijn op den/ vors(creven) wech en(de) hebben dien ov(er)sien en(de) seggen hebben geseeght/ en(de) getaxeert dat de vors(creven) arnt den vors(creven) gieliese voe(r) den vorscr(even) weeghe geve(n) sal [t(er) stont] neghe(n) crone(n) der munte(n) des coninx van vrancrike cor(am) muylke pauwels
//