It(em) h(er) alart de clieve(re) priest(er) heeft quijtgescoude(n) ope(n)baerlic/ alsulke(n) toebeleyt als hem ov(er)mids vo(n)nis va(n) scepen(en) brieve(n)/ va(n) loeve(n) gedaen is tot den goede(n) h(ere)n henrics he(re) va(n) hev(er)le/ en(de) va(n) oplynthre also ve(r)re als dat beleyt hinderlicer wese(n)/ mach janne goedenoy en(de) janne de(n) vloyde(re) vloye(re) vande(n)/ cope vande(n) schaerhout staende opte helecht van xxxii/ boende(re)n bosch des voirs(creven) h(ere)n henr(ics) he(re) van hev(er)le gelege(n)/ inde prochie van wambeke geheyte(n) de(n) bosch van crayenhem/ mett(er) eend(er) siden streckende aen [tgoet] mijns he(re)n sh(er)togenbosch va(n)/ brabant en(de) metter ande(r) side(n) aende boschstrate d(air) af/ dand(er) helecht vande(n) voirs(creven) bosch de capittel va(n) nyvele/ houde(n)de is welc scaerhout voirs(creven) de voirs(reven) jan goede(n)noy/ en(de) jan de vloye(re) jege(n) de(n) voirs(creven) h(ere)n henr(icke) he(re) va(n) hev(er)le/ gecocht hebbe(n) cor(am) rike ponte julii xix