It(em) cond sij alle(n) liede(n) dat jan vand(er) brugge(n) scepen(e) van lov(en) en(de) dieric/ de smet briede(r) in jegenwordicheyt d(er) scepen(en) va(n) loeven gestaen/ hebbe(n) geconsenteert en(de) gewillecoert deen den ande(re)n voe(r) hen voe(r)/ hae(r) erfgename(n) en(de) nacomelinge(n) de vorw(er)den hier na bescreve(n) van/ haerre beyd(er) huyse gelege(n) inde steenstrate tussche(n) dand(er) huys des/ voirs(creven) jans en(de) de pensstrate ierst heeft geconsenteert de voirs(creven)/ dieric dat de voirs(creven) jan mette(n) voirs(creven) sine(n) huyse van benede(n) va(n)/ gronde op opva(r)en sal moge(n) neve(n) al en(de) aelvast loetrecht neve(n)/ de(n) muer des vors(creven) dierics en(de) dat de selve jan in des vors(creven) dierix huys/ met ene(n) haysel varen [sal] dwelc de voirs(creven) jan yerst op sine(n) cost alleen/ sal doen volmake(n) en(de) dat gedaen sal de vors(creven) ja(n) dat haysel op de side t(er) strate(n) uut voert erflic op sine(n) cost also houde(n) en(de) de voirs(creven) dieric sal tselve haysel op sine(n) cost/ des gelijx opte side acht(er) te(n) hove w(er)t erflic houde(n) en(de) dwat(er) comende en(de) vallende/ acht(er) vande(n) vors(creven) haysel sal de vors(creven) jan sond(er) des vors(creven) dierix cost op sijn erve/ afleyden allen [sond(er)] argelist hier in uutgescheide(n) py(n)noc iunior vynck julii septi(m)a