Cond sij alle(n) liede(n) dat een deylinghe geschiet sijnde tussche(n) henricke wellens/en(de) janne marchant met wille en(de) (con)sente yden en(de) machtelde(n) hae(re)n wiven/dochte(re)n jans wile(n) van ryelaer en(de) kath(er)inen van ryelaer zuster der voirs(creven) /yde(n) en(de) machtelden van en(de) op huys en(de) hof met allen sinen toebehoirten/gelege(n) inde heylighe gheest strate tussche(n) de goede henrics scoerbroets/en(de) de goede mathijs van mu(n)ten gelijc de voirs(creven) goede den voirs(creven) gesuste(re)n/van hae(re)n vader en(de) moeder bleven en(de) verstorven sijn de voirs(creven) goede/in drien gedelen gedeylt sijnde so is gevallen en(de) toebehoert de(n) voirs(creven) henricke/wellens va(n) wege(n) des voirs(creven) yden sijns wijfs in sijn gedeelte tvorste huys/mette(n) grate buten der bynnen want staende tot aende want vander ander/siden vande(n) selven grate also opgaende tussche(n) dese leste want mett(er) ca(m)me(re)n /boven gelijc dit gedeelte vande(n) voirs(creven) huyse v achtersten huyse dat der/voirs(creven) kath(er)ine(n) in hae(re) gedeelte gevallen is met eenre myddel want van/beneden tot boven ond(er)slaghen is welc want de voirs(creven) henric wellens/en(de) kath(er)ine sine swegherynne op haerre beyd(er) ghemeyne(n) cost voertaen erflic/houden selen Ite(m) is noch gevalle(n) den voirs(creven) henricke wellens in sine deylinghe/een stuck hoefs vande(n) hove voirs(creven) gelege(n) tussche(n) tghedeelte des voirs(creven) /jans marchant en(de) de voirs(creven) goede des voirs(creven) henrics scoerbroets gelijc dit/stuck hoefs vande(n) selve(n) gedeelte des voirs(creven) jans marchant met seke(re)n palen/ onges ond(er)scheyde(n) en(de) verpaelt is mette(n) nutscap en(de) profijt van enen/weghe vier voete breet wesende gaende uut d(er) sidoren vande(n) voirs(creven) /vorsten huyse des voirs(creven) henrics wellens dwers over tgedeelte vande(n) hove/des voirs(creven) jan marchants tot op tvoirs(creven) gedeelte vanden hove des selfs/henric wellens op also dat de voirs(creven) henric wellens bute(n) de(n) voirs(creven) sine(n) /vorsten huyse ten side(n) wart vande(n) hove des voirs(creven) jan marchants gheen/recht hebbe(n) en sal dan alleen sinen ozendrup vande(n) selve(n) sine(n) vorsten/huse mette(n) nutscap vande(n) weghe gelijc voir verclaert steet Op/achten(de)twintich placke(n) payment uut de(n) voirs(creven) gedeelte jaerlex en(de) erflic /gaende It(em) is ghevalle(n) den voirs(creven) janne marchant van wege(n) /der vors(creven) machtelde(n) sijns wijfen in sijn deylinghe een gedeelte
//
vande(n) voirs(creven) hove(n) gelijc dat voe(r) ter strate(n) gelege(n) is tussche(n) de(n) wech/ toeb sesse voete breet sijnde toebehorende den voirs(creven) janne marchant en(de) /kath(er)ine(n) sijnre swegherynne(n) en(de) de goede des selfs jans tot opte(n) pale/staende aldair jegen den p(or)te en(de) also van den pale acht(er)w(er)t opstreckende/tussche(n) de(n) hof en(de) tgedeelte vande(n) hove d(er) voirs(creven) kath(er)ine(n) en(de) tussche(n) tgedeelte/vande(n) selve(n) hove des voirs(creven) jan marchants gelijc dit gedeelte voirs(creven) vande(n) /ande(re)n tween gedeelte(n) des voirs(creven) henrics wellens en(de) den vo kath(er)ine(n)/met seke(re)n pale(n) onderscheide(n) en(de) verpaelt is [mette(n) nutscap en(de) p(ro)fite ov(er) de(n) wech van sesse voete(n) breet van voe(r) ter strate(n)/doe(r) de porte aldair staende tot de(n) voirs(creven) gedeelte(n) toe des selfs jans m(ar)chants/welke(n) wech also voert gaen [sal] neve(n) de coeken der voirs(creven) ka(theri)[ne] tot d(er) came(re)n toe der selv(er) ka(theri)[ne(n)]]/ [mette(n) nutscape en(de) profijt des selfs weeghs sesse / voete breet sijnde tot sine(n) gedeelte vors(creven) van voe(r) doer de porte ald(aer) ter strate(n) staende] Op twelf placke(n) payments/jaerlex en(de) erflic uut dese(n) voirs(creven) gedeelte gaende Item is voert gevalle(n)/der vors(creven) kath(er)inen in hae(re)n deylinghe dachterste huys gelege(n) tussche(n) /mett(er) came(re)n en(de) coekenen en(de) mette(n) ande(re)n sine(n) toebehoirte(n) van boven/tot beneden gelege(n) tussche(n) de myddel want staende tussche(n) tgedeelte/des vors(creven) henrics wellens en(de) den hof der selver kath(er)ine(n) mette(n) gedeelte/vande(n) voirs(creven) hove gelege(n) achter dacht(er)ste huys voirs(creven) tussche(n) tgedeelte/des voirs(creven) jans marchant en(de) de goede des voirs(creven) mathijs va(n) mu(n)ten co/mende vorwart tot opte(n) pale die steet jege(n) den voirs(creven) p(or)te mette(n) /nutscap en(de) profijt vande(n) voir ov(er) de(n) voirs(creven) wech sesse voete/breet sijnde en(de) doe(r) de voirs(creven) porte ter strate(n) mette(n) voirs(creven) janne/marchant uutgaende welke porte tussche(n) de(n) vors(creven) janne marchant/en(de) kath(er)ine(n) gemeyn sijn sal en(de) op haerre beyd(er) cost erflic gehoude(n)/w(er)den Op vieren(de)twintich placke(n) payments erflic d(aer) uut gaende/Dese deylinghe aldus gheschiet sijnde hebbe(n) geloeft de voirs(creven) p(ar)thien /[deen de(n) ande(re)n] tewelike(n) dage(n) vast en(de) gestentich te houden elc van hen op tghedeelte/des and(er)s wittelic mette(n) halme vertyende Ghelovende voert de/selve p(ar)tien deen de(n) ande(re)n [elc] elc sijn des and(er)s gedeelte opte(n) tsijs/voirg(henoemd) als op alle de(n) co(m)mer dair voir uutgaende van allen ande(re)n/calangien en(de) letsele vri d te warende(re)n met alsulk(er) vorw(er)de(n) gevielt/also dat e(n)nich vande(n) voirs(creven) p(ar)tien voe(r) gebreck de vanden tsijse/des and(er)s gedeelte gepandt worde dat hi dat v(er)halen sal/op tgedeelte des gheens die also in gebreke wesen sal/g(ra)ven lyemi(n)ghe(n) febr(uarii) xxv/