Cond sij allen liede(n) dat willem colve in jegenwordicheit d(er) scepen(en) va(n) loeve(n) /gestaen heeft v(er)huert m(et) orlove tshe(re)n vande(n) gronde janne de(n) leeuwe/smet een huys en(de) hof met sine(n) toebehoirte(n) gelege(n) opte marct te loeve(n)/tussche(n) thuys gehete(n) de(n) capruyn en(de) de goede lijsbette(n) vande(n) male te/houde(n) en(de) te hebben van nu sente jans misse baptiste(n) naest comende ene(n) t(er)mijn /van acht jaren lanc deen na dand(er) dair na sond(er) myddel volgende elx jaers/dair en bynne(n) om acht gulden crone(n) d(er) mu(n)ten skoninx van vrancrijck/te wete(n) lx placke(n) payments voe(r) elke crone voirs(creven) gerekent half te kersmisse/en(de) half te s(ent) jans misse bap(tis)[te(n)] te betalen alle jae(re) de(n) voirs(creven) t(er)mijn duer(ende) /en(de) telke(n) t(er)mijne alse vervolghde schout Met alsulk(er) vorw(er)den gevielt dat/de voirs(creven) jan voe(r) m(ar)griete(n) sine(n) wive va(n) live t(er) doet q(ua)me eer de voirs(creven) /t(er)mijn vander voirs(creven) hueringhe(n) uut wae(re) dat dan de selve m(ar)griet de vors(creven) /hueringhe(n) verdrage(n) sal moghe(n) sijn Behoudelic dien dat s dat de(n) vors(creven) /wille(m)me een half jae(re) te vore(n) sal late(n) weten van welke(n) halve(n) jae(re) /si tghelt vand(er) voirs(creven) hueringhe(n) betale(n) sal na gelande vanden tide en(de) is/oec vorw(er)de dat de voirs(creven) jan op sine(n) cost sal moge(n) doen make(n) alle/gerief tote(n) smeede amabacht dienende sond(er) tvoirs(creven) huys d(aer) mede te arge(re)n/En(de) heeft gheloeft de voirs(creven) wille(m) de(n) voirs(creven) janne vand(er) voirs(creven) hueri(n)ge(n) /altijt genoech te doen en(de) hem d(aer) af jege(n) ene(n) yegelike(n) recht warant/te sijn de(n) voirs(creven) tijt d(er) hueri(n)ghe(n) voirs(creven) duerende rike g(ra)ven/febr(uarii) xxiiii