Cond sij allen liede(n) dat henric cloppel sone wilen mathijs cluppel es come(n) in/jegewordicheit der scepen(en) van loeven en(de) heeft genome(n) en(de) bekendt dat hi/genome(n) heeft va(n) h(ere)n roelof bid(er) genaden ons he(re)n abdt en(de) vanden convente/des cloesters van vlied(er)beke inde(n) name en(de) van weghe(n) des selfs cloesters hae(re)/hof van oerbeke met vieren(de)vijftich boende(re)n achten(de)veertich boende(re)n onder/lande en(de) beemde gelijc die de(n) voirs(creven) godshuse toebehorende sijn te houden te/hebbe(n) en(de) te wynne(n) van half merte dat was int jair ons he(re)n duse(n)t vier/hondert en(de) achtien ene(n) t(er)mijn van twelf jae(re)n lanc deen na dand(er) staphans/volgende elcs jaers daer en bynnen om tweeen(de)tneghentich mudde corens en(de)/seven molevate corens goet en(de) payabel der maten van thiene(n) met wanne/en(de) m(et) vede(re)n wael bereydt goede(n) oerbeexsche(n) pacht der maten van thiene(n)/te wete(n) sesse halster der selver maten voer elke mudde gerekent alle jae(re) ts(int)/andries misse apostels te betalen en(de) tweeen(de)dertich mudde d(aer) af tot loeve(n) oft/te vlied(er)beke daert m(ijn) he(re) den abdt voirs(creven) best genueghe(n) sal en(de) alle dande(re) int/voirs(creven) hof van oerbeke te leveren alle jae(re) den voirs(creven) t(er)mijn duerende en(de)/telke(n) t(er)mine alse vervolghde schout En oec elx jaers om thien pont was/een pont ghingbiers een pont peep(er)s en(de) vier bussen soffraens te s(int)/remeys misse jaerlex de(n) voirs(creven) t(er)mijn duerende der came(re)n des voirs(creven) abds/te betale(n) en(de) te leve(re)n en(de) telke(n) t(er)mijn alse v(er)volghde schout Ite(m) sal de voirs(creven)/wynne alle jae(re) de(n) voirs(creven) t(er)mijn duerende leve(re)n sessehondert walms/om de huysinghe d(aer) mede te decke(n) en(de) alsme(n) daer dect oft plect of so wat/werke dat mijn he(re) dabdt ald(aer) make(n) doet daer af sal de wynne den/werclude(n) de cost gheve(n) en(de) mijn he(re) sal de dachhue(re)n betalen uutgenome(n)/van groter nuwer ty(m)meringhe(n) waert oec also dat des voirs(creven) wynne(n)/beesten e(n)nighe gate braken aen de huysinghe(n) ocht gestijpte vande(n) voirs(creven)/hove dat de wyn die wed(er) sal doen maken op sijns selfs cost met/alsulker vorw(er)den en(de) condicien dat de voirs(creven) wyn inde drie leste jaer/vande(n) voirs(creven) t(er)mine des voirs(creven) cloest(er)s lant in al oft in deel niet en/sal moge(n) hoervruchten en(de) de selve wyn sal de voirs(creven) lande ten eynde/vande(n) voirs(creven) t(er)mine late(n) besayt en(de) gewonne(n) ind(er) voeghen hier na vol/gende dats te wete(n) vijfthien boend(er) of daer omtrent wel en(de) loflic/besayt en(de) gewonne(n) op sijn tideghe voren met wynt(er)coerne gelijc sine(n)/reengenote(n) En(de) [dat hi] bij alle dmest dat vande(n) voirs(creven) goede(n) comen sal op tvoirs(creven)/lant vueren [sal] slants meeste p(ro)fijt de storte sal hi late(n) eens o(m)megedae(n)
//
en(de) de brake geheel It(em) waert also dat inden voirs(creven) hove brant/gheviele ocht geschiede dat god verhuede(n) moet die toeq(ua)me van des/voirs(creven) abds en(de) convents wege(n) dat sal sijn te haerre schade(n) w(er)t/oec also dat daer brant gheviele ov(er)mids ocsuyn des voirs(creven) wynne(n)/dat sal sijn in schade(n) des selfs wynne(n) en(de) die sal hi sculdech sijn/op te rec richten de(n) abdt en(de) convent voirs(creven) en(de) dat soude staen ter/waerheyt en(de) bescheydenheyt van goede(n) lude(n) waert oec also dat dair/brant geviele en(de) men men gheen van dese(n) geproeve(n) en conste so soude/elc p(ar)thie hae(re) scade draghe(n) Ite(m) dat de voirs(creven) abdt en(de) convent hebbe(n)/en(de) behoude(n) sele(n) inde(n) voirs(creven) hove sijn gijsten en(de) ligghen vierwerf/tsjaers van alle(n) en(de) yegewelken goede(n) alsmen gewoenlic heeft ghe/weest op des voirs(creven) wynne(n) cost En(de) eest oec dat sake dat de voirs(creven)/abdt met sinen ghesinde dicker gevalt daer te comen dat sal oec/sijn op des selfs wynne(n) cost uutgenome(n) alleen wijn en(de) wasse(n)kersse(n)/Oec sal de voirs(creven) henric ontfaen alle de monicke en(de) gesinde des voirs(creven)/cloest(er)s also dicke als si daer inde(n) voirs(creven) hove comen sele(n) op sine(n) cost/uutghenome(n) van wijne en(de) in dien dat si in hae(re)n abite(n) en(de) met/orlove van hae(re)n overste tot de(n) voirs(creven) hove come(n) En(de) van gemeyne(n)/tempeeste en(de) gemeyne(n) orloghe waert dat si gevielen dat god ver/huede(n) moet dan af [sal] de voirs(creven) m(ijn) he(re) dabdt en(de) [sijn] convent de(n) voirs(creven)/wynne redelic versien [sele(n)] also men daer al om pleeght en(de) gewoenlic/es te doen en(de) gelijc dat ande(re) p(re)laten hae(re)n wynne(n) aldair bove(n)/en(de) beneden doen selen Ite(m) sal de voirs(creven) wynne op dleste jae(re) vande(n)/voirs(creven) t(er)mine tstroe en(de) voesteringhe van vijfthien boende(re)n wynt(er)/corens en(de) vijfthien boende(re)n zomercorens int voirs(creven) hof brenghe(n)/en(de) dat daer etten en(de) vertheren met sinen beesten en(de) te meste make(n)/en(de) alle dmest dair af comende bove(n) dat hi op tvoirs(creven) lant gevuert/sal hebbe(n) in tvoirs(creven) hof laten en(de) negheen mest noch voesteringhe/uut de(n) voirs(creven) hove vuere(n) It(em) sal de voirs(creven) wyn des voirs(creven) godshuys/pacht tsijse en(de) rente(n) omtrent houthem en(de) oerbeke gelege(n) gelijc dat/ande(re) wynne(n) ald(aer) te doen plaghe(n) inhalen en(de) des sal hi jaerlex/hebbe(n) vande(n) selve(n) godshuze voirs(creven) vijf ellen wullens lakens gelijc/den wynne des voirs(creven) cloeste(re) tot houthem Ite(m) sal de voirs(creven) wyn
//
jaerlex de voirs(creven) godshuze gheven vier sack tarwe(n) d(er) mate(n)/van thiene(n) voirs(creven) in afslaghe vande(n) pacht voirscr(even) Ite(m) sal/de selve wyn de vosholen en(de) de weghe aldaer also houde(n)/en(de) maken op sine(n) cost dat den voirs(creven) godshuze daer af gheen/scade en come Ite(m) sal de voirs(creven) wyn de helecht vande(n) staken/dieme(n) inde(n) wijng(ar)de des voirs(creven) godshuys tot hoxhem geleghe(n)/behoeve(n) sal jaerlex de(n) voirs(creven) t(er)mijn duer(ende) halen gelijc de(n)/wynne des selfs godshuys tot houthem En(de) daer voe(r) sal de/voirs(creven) wyn hebbe(n) de helecht vand(er) haghen [ten behoerlike(n) tide te houwen] die omde(n) voirs(creven)/wijngart gheet sijn lant mede [te] bevreden Ite(m) sal de voirs(creven) wyn/de(n) voirs(creven) godshuyse iiii jaerlex hie(re)n bynne(n) dienen met sinen/waghe(n) en(de) p(er)de(n) iiii daghe omtrent oerbeke hoxhem [en(de)] of houthe(m)/Ite(m) sal de voirs(creven) wyn de voirs(creven) godshuyse [alle] jae(re) de(n) voirs(creven) t(er)mijn/duerende een voelen wynte(re)n en(de) voede(re)n wel en(de) loflic En(de)/alle dese vorwerden punte(n) en(de) condicien bove(n) bescreve(n) de voirs(creven)/wyn heeft geloeft de voirs(creven) m(ijn) he(re) den abdt en(de) convent voirs(creven) /wel en(de) volcomelic te voldoen in alle der vueghe(n) forme(n) en(de)/manie(re)n bove(n) bescreve(n) en(de) telke(n) t(er)mine alse vervolghde schout/Ende des sijn burghen des voirs(creven) henrics cluppels alse p(ri)ncipael/sculde(re)n onghesundert en(de) onghescheyde(n) peter cluppel sijn brued(er)/henric sone des vors(creven) henrics te vore(n) uute(n) brode des selfs sijns/vaders gedaen willem van heyleshem en(de) vranc box die/dochte(re)n hebbe(n) des voirg(enoemde) henrics de welke de selve henric/heeft geloeft hier af scadeloes en(de) co(m)merloes te houde(n) en(de)/tontheffen g(ra)vio bone julii quinta