It(em) arnt quappe van bruessel in jegenwordicheit der scepene(n) van loeve(n) gestaen/heeft gegeve(n) en(de) bekent dat hij gegeve(n) heeft henrike(n) den paedse [page] van mille/de goede des voers(creven) arnts gelege(n) te mille inde prochie van bierbeke In/huysen hoven wynnende(n) landen beemden ende eeusele(n) met allen sinen/toebehoirten te houden te hebben en(de) te wynne(n) van halfmeerte lestleden/eenen t(er)mijn van thien jae(re)n lanc deen na dander staphands sonder middel/volghende Elx jaers daerenbynne(n) op den last en(de) co(m)mer daer voe(r) uyt/gaende ten gewoenlike(n) tide te betale(n) En(de) voirtaen op tween(de)twintich/mudde rox goet en(de) payabel met wanne en(de) met vloghele wael bereit/der maten van loeve(n) alle jae(re) te sente andries misse apostels te betale(n)/en(de) te loeven(en) te leve(re)n en(de) telken t(er)mijn alse vervolghde schout En(de) sal de/voirs(creven) wynne den vors(creven) arnde jaerlex den voers(creven) t(er)mijn duerende geven/en(de) te bruessel leve(re)n tvierendeel vande(n) oefte dat op de voers(creven) goede wasse(n)
//
sal en(de) een halster bonen en(de) een halster erwiten der maten van loeve(n) voirs(creven)/oic te sente andries misse apostels te betalen en(de) telken t(er)mijn als vervolghde scout/It(em) sal de voirs(creven) wynne alle jae(re) int voirs(creven) hof leve(re)n iii[c] walme(re) goit en(de) cusbaer/o(m)me de voirs(creven) huysinghe daer mede te decken(e) En(de) alsmen die ald(aer) verdect/soe sal de voirs(creven) wynne den werclude den montcost gheve(n) en(de) de vors(creven) arnt sal/de dachuere(n) betalen voirtaen van allen tymmeringhen die vervallen sullen/als van vinste(re)n van platen en(de) anders uutgenome(n) van nuwen werke soe sal/oic de voirs(creven) wynne den wercluden den cost geve(n) en(de) de vors(creven) arnt de dachue(re)n/It(em) sal de voirs(creven) wynne de voirs(creven) lande wael en(de) loffelic wynne(n) werve(n) en(de) mesten/ten behoirliken tijde gelijc sine(n) reengenote(n) boven en(de) beneden En(de) allet stroe dat/opde voirs(creven) lande wassen sal dat sal de voirs(creven) wynne met sinen beesten etten en(de)/mest daer af maken en(de) dat wider opt voirs(creven) lant vue(re)n slans meeste(n) orboir en(de)/profite Gevielt oic dat de voirs(creven) wynne eenighe buytenlande te pachte name/en(de) daer af stroe quame int voirs(creven) hof dat buyten landt sal de voirs(creven) wynne wed(er)/moghen mesten nade ghelande vande(n) stroe dat van dien buyten lande come(n)/sal En(de) soe wes stroe of mest dat ten uytgaen vande(n) vors(creven) t(er)mijn int voirs(creven) hof/wesen sal dat sal de voirs(creven) wynne daer bynne(n) late(n) Item soe wes bome aldaer/verdroeghden die soude de voirs(creven) wynne moghen neme(n) en(de) daer voe(r) weder/twee poeten setten [en(de) voe(r) elke(n) oeftbome sal hij wed(er) twee griffien sette(n)] Item sal de voirs(creven) wynne de voirs(creven) lande ten eynde vand(en) voirs(creven)/t(er)mijn besayt laten gelijc hij die(n) vijnt te sine(n) income(n) dats te weten sevendalf/boenre met rogge besayt en(de) anderhalf boenre met tarwen En(de) de storte en(de)/brake eens o(m)me ghedaen Ende alle dese vorwerden etc(etera) hier af sijn burghen/des voirs(creven) henrix de paedse [page] als principael sculde(re)n ongesundert en(de) ongesceyde(n)/peter lowart henric de moer en(de) wouter de bastart alle van mille de welke /de voirs(creven) henric de paedse heeft geloeft hier af scadeloes te ontheffen pynnoc/iunior lye(ming)[en] augusti s(e)c(un)da s(e)c(un)da