It(em) jan van erenboudigheem die men heet van rode in jegenwor/ dicheit der scepen(en) van loeven gestaen heeft gegeve(n) en(de) bekent dat/ hi gegeve(n) heeft lodewiken van erenboudigheem die men van coelne/[en(de) ludewiken sijne(n) sone ten yersten uut sijns vaders brode gedaen] de goede des voirs(creven) jans va(n) ee(re)nboud(igheem) gelege(n) te coelne inde prochie va(n)/ he(re)nt in wynnende(n) lande beemde(n) en(de) eeusele(n) houdende te samen elf/ boende(r) en(de) een dachmael of d(aer) omtrent gelijc de selve jan de voirs(creven)/ goede aldair in vele [alrehande] stucke(n) en(de) stede(n) houdende is Te houde(n) te hebbe(n) en(de)/ te wynne(n) van half meert lest lede(n) ene(n) t(er)mijn van sesse jae(re)n deen/ na dand(er) dair na sond(er) myddel volgende elcs jaers dair en bynne(n) opten/ last co(m)mer en(de) tsijs daer voir uutgaende ten gewoenlike(n) tide(n) te betale(n)/ En(de) voertaen op vijfthien mudde rogs goet en(de) payabel met wa(n)ne en(de)/ m(et) vede(re)n wel bereydt d(er) maten van loeve(n) altoes tsente andries/ misse apostels te betale(n) en(de) tot holsbeke te leve(re)n de(n) voirs(creven) t(er)mijn/ duer(ende) en(de) telke(n) t(er)mine alse v(er)volghde schout Ite(m) sele(n) de voirs(creven) wynne(n)/ de voirs(creven) lande de(n) vors(creven) t(er)mijn duerende wel en(de) loflic wynne(n)/ w(er)ve(n) en(de) meste(n) gelijc sine(n) hoe(re)n reengenote(n) bove(n) en(de) benede(n) en(de) drie dachmael/ vande(n) selve(n) lande alle jae(re) eens ov(er)merghelen It(em) sele(n) de vors(creven)/ wynne(n) de wat(er)leyde(n) vande(n) voirs(creven) goede(n) en(de) de strate(n) ald(aer) beyde/ van brede(n) en(de) and(er)s de(n) vors(creven) t(er)mijn duer(ende) wael en(de) lof ruyme(n)/ veeghe(n) en(de) houden Ite(m) en sele(n) de selve wynne(n) negheen opgaende
//
hout moge(n) truncke(n) mer sele(n) sijn [hoe(re)n] berni(n)ghe moge(n) neme(n) aende/ trunceyken aen haghe(n) en(de) aen struwelle(n) ald(aer) ter minst(er) scade(n)/ Oec saele(n) de vors(creven) wynne(n) ten leste(n) jae(r) vande(n) vors(creven) t(er)mijn deeusele(n)/ ald(aer) wael bethuynt en(de) bevreedt laten Oec [Noch] saele(n) de selve wynne(n)/elf dachmael vande(n) vors(creven) lande t de voirs(creven) lande ten eynde vande(n)/ voirs(creven) t(er)mijn late(n) gelijc hier na volght Te wete(n) is elf dachmael d(aer) af/ besayt met rogghe op sine getidige voren en(de) thien daghmael/ m(et) zom(er)coren op sine getideghe vore(n) en(de) dand(er) al brake En(de) alle/ dese vorw(er)den h gelufte(n) en(de) condicie(n) heeft [hebben] geloeft de vors(creven) wynne(n)/ wel en(de) volcomelic te voldoe(n) tallen tide en(de) jae(re)n als si vallen/ selen en(de) telke(n) t(er)mine als v(er)volghe scout rike ponte julii xxvi