It(em) om dat nyemant peysen noch dencke(n) en derf dat walraven/ van helmont natuerlic sone h(ere)n jans van berlaer ridders yet/ dan recht en(de) bescheyt op den voirs(creven) sinen vad(er) vordert so/ heeft hi daer om ten heylige(n) doen verhoren lodewijcke van/ loeffenne en(de) lodewike(n) van loeffenne sine(n) sone die openbaerlic/ gedrage(n) en(de) getuyght hebben bi hae(re)n eede ten heylige(n) dien si/ daer toe wittelic deden dat si daer bi en(de) aen wae(re)n tot/ hodonc int cloester dat de voirs(creven) h(er) jan van berlaer geloefde/ de voirs(creven) walrave(n) sinen sone te goede(n) en(de) te vestigen inde/ heerlicheit en(de) goede van helmont met alle(n) hae(re)n toebehoirten/ voe(r) mine(n) genedige(n) he(re) van brabant en(de) voe(r) de stat van loeven/ die den selve(n) walraven na doet des voirs(creven) sijns vaders te/ volge(n) en(de) te bliven cor(am) joh(ann)e de nethenen ar(nol)[do] vynck et/ henrico wante scabinis necno(n) joh(ann)e albus mag(ist)ro co(mmuni)tat(is)/ iudoco absoloens et jacobo ex lyemi(n)ghe(n) iurat(is) opidi lovan(iensis)/ anno m[mo] cccc[mo] vicesimoq(ui)nto me(n)sis maii die septima